អង់គ្លេស៖ យុវជនម្នាក់ មកពីស្រុក Lbstone នៃប្រទេសអង់គ្លេស បានក្លាយជាពីឡុតដែលមានវ័យក្មេងបំផុត ក្នុងកំណត់ត្រាពិភពលោក ក្រោយពីបញ្ចប់ការហោះហើរនៅក្នុងប្រទេសហូល្លង់កាលពីថ្ងៃម្សិលមិញនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមប្រភពព័ត៌មានបានឲ្យដឹងថា Travis Ludlow មានអាយុទើបតែ១៨ឆ្នាំ និង១៤៩ថ្ងៃ បានធ្វើការហោះហើរតែម្នាក់ឯង អស់រយៈពេល៤៤ថ្ងៃ ក្នុងចម្ងាយ២៥,០០០ម៉ាយល៍ (ប្រមាណ៤០,២៣០គីឡូម៉ែត្រ)។ ហើយក្នុងមួយថ្ងៃ គេចំណាយពេលពី៨ម៉ោងឡើងទៅ ក្នុងការហោះហើរ ដែលពេលខ្លះ បានចម្ងាយ១,០០០ម៉ាយល៍ (ប្រមាណ១,៦០០គីឡូម៉ែត្រ) ដោយមិនឈប់សម្រាកផងដែរ។
យ៉ាងណាមិញ ចំពោះកំណត់ត្រានេះដែរ បានធ្វើឲ្យក្រុមគ្រួសាររបស់គេមានមោទកភាពយ៉ាងខ្លាំង ដែលក្នុងក្រុមគ្រួសារតាំងពីដើមមក មិនដែលមានអ្នកណាស្រលាញ់វិស័យពីឡុត ឬជាពីឡុតឡើយ។
គួររម្លឹកដែរថា ម្ចាស់កំណត់ត្រាពិភពលោក ពីឡុតវ័យក្មេងបំផុត ធ្លាប់ត្រូវបានគ្រប់គ្រងដោយបុរសម្នាក់មកពីសហរដ្ឋអាមេរិក ដែលកាលនោះមានអាយុ១៨ឆ្នាំ និង១៦៣ថ្ងៃ ដោយបញ្ចប់បេសកម្មហោះហើរក្នុងខែតុលា ឆ្នាំ២០១៨៕
សូមទស្សនារូបភាពខាងក្រោម៖
ប្រភព: Daily Mail