អ្នកគាំទ្រអង់គ្លេសចង់ឲ្យ Southgate ទទួលបានរបស់ពិសេសមួយនេះ បើអង់គ្លេសលើកពាន Euro មែន

អង់គ្លេស៖ បន្ទាប់ពីឃើញថាលោកគ្រូបង្វឹក Gareth Southgate បានដឹកនាំឲ្យអង់គ្លេស ឡើងមកដល់វគ្គផ្ដាច់ព្រ័ត្រពាន Euro 2020 រួចមក អ្នកគាំទ្រអង់គ្លេសទាំងអស់បានមូលមតិគ្នាចង់ឲ្យ លោកគ្រូបានទទួលគោរមងារដែលផ្ដល់ជូនដោយម្ចាស់ក្សត្រីយ៍ Elizabeth II ក្នុងករណីដែលអង់គ្លេស យកឈ្នះ អ៊ីតាលី និងលើកពាននេះបានសម្រេច។

វីរភាពរបស់ Southgate បានផ្ទុះឡើងយ៉ាងគំហុកព្រោះលោកគ្រូបានសម្រេចបំណងប្រាថ្នាធំធេងជូនជាតិបន្ទាប់ពីអង់គ្លេសខានឡើងមកដល់វគ្គផ្ដាច់ព្រ័ត្រ តាំងពី៥៥ឆ្នាំមុន ដែលចាត់ទុកថាជាសមិទ្ធផលដ៏អស្ចារ្យមួយ។

ទន្ទឹមគ្នានោះដែរលោកនាយករដ្ឋមន្ត្រី Boris Johnson ក៏បានថ្លែងកោតសរសើរ Southgate មិនឈប់ឈរ។
លោកនាយករដ្ឋមន្ត្រី Boris Johnson បាននិយាយថា៖

ការផ្ដល់គោរមងារថ្មីនិងបំពាក់មេដាយគ្រឿងឥស្សរិយយស នឹងឆ្លងកាត់ការសម្រេចពីការិយាល័យគណៈរដ្ឋមន្ត្រីដោយមានម្ចាស់ក្សត្រីយ៍ Elizabeth II ឬខ្សែរាជវង្សជាអ្នកផ្ដល់ឲ្យ និងប្រារព្ធឡើងចំនួនពីរដងក្នុងមួយឆ្នាំ ដោយប្រកាសនៅថ្ងៃចូលឆ្នាំសាកល និងថ្ងៃចម្រើនព្រះជន្មរបស់ម្ចាស់ក្សត្រីយ៍នៅខែមិថុនា។

គួរបញ្ជាក់ផងដែរថា ការផ្ដល់គោរមងាររបស់ជនជាតិអង់គ្លេស គឺមានច្រើនឋានៈ ដោយភាគច្រើនមនុស្សប្រុសត្រូវបានគេហៅគោរមងារ "Sir" នាំមុខ ខណៈមនុស្សស្រីនឹងទទួលគោរមងារជា "Dame"។ បុគ្គលល្បីៗដែលឆ្លងកាត់ការតែងតាំងមានដូចជា Sir Winston Churchill ដែលជានាយករដ្ឋមន្ត្រីរបស់អង់គ្លេសនៅសម័យសង្គ្រាមលោកលើកទី២និង Sir Alex Ferguson ដែលជាអតីតគ្រូបង្វឹករបស់ Manchester United ជាដើម៕

ប្រភព៖ thesun