សង្គម: កាលពីកំឡុងខែ មីនា ឆ្នាំ២០១៥កន្លងទៅ អ្នកស្រី Michelle Obama ជាភរិយារបស់អតីតប្រធានាធិតីសហរដ្ឋអាមេរិកដ៏មានប្រជាប្រិយភាពមួយរូបគឺលោក Barack Obama បានធ្វើទស្សនកិច្ចមកកាន់ប្រទេសកម្ពុជា ហើយក៏បានបន្តធ្វើទស្សនកិច្ចជាបន្តទៅទស្សនារមណីយដ្ឋានអង្គរពិសេសគឺប្រាង្គប្រាសាទដ៏មហាអស្ចារ្យរបស់កម្ពុជា គឺប្រាសាទអង្គរវត្តផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ នៅក្នុងបទអារម្ភកថា របស់អ្នកស្រី Michelle Obama ដែលចេញផ្សាយដោយគេហទំព័រសេតវិមានក្នុងអាណត្តិលោកប្រធានាធិបតី បារ៉ាក់អូបាម៉ា (the White House President Barack Obama) ដោយលោកស្រីបានមានប្រសាសន៍យ៉ាងដូច្នេះថា÷
បន្ទាប់ពីខ្ញុំបានទៅចូលរួមវគ្គបណ្តុះបណ្តាល Let Girls Learn ខ្ញុំក៏បានធ្វើដំណើរទៅកាន់ប្រាសាទអង្គរវត្តដែលជាប្រាសាទបុរាណដ៏ធំមួយដែលមានទីតាំងនៅខេត្តសៀមរាប ប្រទេសកម្ពុជា។ ប្រាសាទអង្គរវត្តត្រូវបានសាងសង់ឡើងនៅដើមសតវត្សរ៍ទី ១២ ហើយវានៅតែឈរជាវិមានសាសនាធំជាងគេនៅលើពិភពលោក។ វាត្រូវបានគេស្គាល់ថាជានិមិត្តរូបជាតិសម្រាប់ប្រទេសកម្ពុជា - វាក៏រំលេចឡើងជាទង់ជាតិរបស់ប្រទេសកម្ពុជាផងដែរ។ ប្រាសាទអង្គរវត្តដើមឡើយត្រូវបានសាងសង់ឡើងដើម្បីឧទ្ទិសដល់ព្រះវិស្ណុ ហើយក្រោយមកក្លាយជាប្រាសាទ ព្រះពុទ្ធសាសនា។ វាមានទីតាំងស្ថិតនៅអតីតរាជធានីនៃចក្រភពខ្មែរបុរាណ ដែលពេលបច្ចុប្បន្នមានទីតាំងស្ថិតក្នុងប្រទេសកម្ពុជា៕
ចង់ជ្រាបឲ្យកាន់តែច្បាស់ សូមទស្សនារូបភាព និងវីដេអូខាងក្រោមទាំងអស់គ្នា÷
Bong I.T