បើមិនចាំបាច់ កុំដើររហើរហូតពេក! ខណ្ឌទាំងនេះ រកឃើញកូវីដ១៩ ឆ្លងច្រើនជាងគេ

ភ្នំពេញ៖ យោងតាមការជូនដំណឹងរបស់អនុគណៈកម្មការស្រាវជ្រាវកូវីដ១៩ នៅថ្ងៃទី២៥ ខែមិថុនា ឆ្នាំ២០២១នេះ បានអំពាវនាវដល់បងប្អូនប្រជាពលរដ្ឋ ដែលរស់នៅរាជធានីភ្នំពេញ ដែលរស់នៅក្នុងសង្កាត់ ខណ្ឌទាំងនេះ មេត្តាប្រុងប្រយ័ត្ន ដោយអនុវត្តនូវវិធានការសុខាភិបាល ពាក់ម៉ាស់ រក្សាគម្លាត និង ឧស្សាហ៍លាងសំអាតដៃជាប្រចាំឱ្យបានខ្ជាប់ខ្ជួន។

ក្នុងនោះ យោងតាមសេចក្តីជូនដំណឹង បានបញ្ជាក់ថា ខណ្ឌទាំងទោះ រួមមាន៖

• ខណ្ឌ ពោធិ៍សែនជ័យ (ចោមចៅ១, ចោមចៅ៣, ចោមចៅ២, កាកាប១)

• ខណ្ឌ មានជ័យ (ស្ទឹងមានជ័យ៣, ចាក់អង្រែលើ,​ ចាក់អង្រែក្រោម, ស្ទឹងមានជ័យ១)

• ខណ្ឌ ដង្កោ (ពងទឹក, ដង្កោ, ព្រែកកំពឹស, ស្ពានថ្ម)

• ខណ្ឌ កំបូល (កំបូល, កន្ទោក, ស្នោរ)

• ខណ្ឌ សែនសុខ (គោកឃ្លាង, ឃ្មួញ, អូរបែកក្អម)

• ខណ្ឌ ឫស្សីកែវ (គីឡូម៉ែត្រលេខ៦, ច្រាំងចំរេះ១, ទួលសង្កែ១, ឫស្សីកែវ, ស្វាយប៉ាក)

• ខណ្ឌ ៧មករា (មនោរម្យ, មិត្ដភាព, អូរឫស្សី២, វាលវង់, អូរឫស្សី១)

• ខណ្ឌ ទួលគោក (បឹងកក់២, ផ្សារដេប៉ូ៣)

• ខណ្ឌ ច្បារអំពៅ (និរោធ, ក្បាលកោះ, ព្រែកប្រា)

• ខណ្ឌ ចំការមន (ទួលទំពូង២, ផ្សារដើមថ្កូវ, ទន្លេបាសាក់)

• ខណ្ឌ ដូនពេញ (ស្រះចក, ជ័យជំនះ, ផ្សារថ្មី៣)

• ខណ្ឌ បឹងកេងកង (ទំនប់ទឹក, បឹងកេងកង៣)៕