អេស្ប៉ាញ៖ យោងតាមសេចក្ដីរាយការណ៍ ក្លិប Barcelona បានព្រមព្រៀងលក់ខ្សែប្រយុទ្ធ Konrad de la Fuente ទៅឲ្យ ក្លិបបារាំង Marseille ហើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកាលពីមុន Marseille ព្យាយាមចង់សុំខ្ចីជើង កីឡាករសញ្ជាតិអាមេរិករូបនេះនៅរដូវកាល ២០២០/២០២១ ប៉ុន្តែក៏ប្ដូរចិត្តចង់ទិញយកកីឡាករវ័យ១៩ឆ្នាំរូបនេះផ្ដាច់តែម្ដងដែល Barcelona ក៏បានព្រមព្រៀងលក់គេក្នុងតម្លៃ៥លានអឺរ៉ូ(ស្មើនឹងប្រមាណ៥.៩លានដុល្លារ)ប៉ុណ្ណោះ នេះបើយោងតាមដារព័ត៌មាន Marca ។
Konrad de la Fuente នឹងចុះកុងត្រា៣ឆ្នាំជាមួយក្លិប Marseille បន្ទាប់ពីចំណាយពេលដល់ទៅ ៨ឆ្នាំជាមួយក្លិប។
ខ្សែប្រយុទ្ធរូបនេះលេងនៅឈុតយុវជនរបស់ Barcelona តាំងពីឆ្នាំ២០១៣ ប៉ុន្តែនៅឆ្នាំ២០២០កន្លងទៅ លោកគ្រូបង្វឹក Ronald Koeman បានផ្ដល់ឱកាសឲ្យគេចូលលេងនៅក្រុមឈុតធំ ដោយគេចូលលេងបាន២ប្រកួតគត់៕
ប្រភព៖ football-espana