អឺរ៉ុប៖ លោក Rio Ferdinand បានផ្តល់ជូននូវការពន្យល់មួយ ជុំវិញមូលហេតុដែលកីឡាករ Memphis Depay បារាជ័យក្នុងការស្នាក់នៅជាមួយក្រុម Manchester United ខណៈលោកក៏បានពិពណ៌នាពីចំនុចល្អរបស់ខ្សែប្រយុទ្ធសញ្ជាតិ ហូឡង់រូបនេះផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
Depay បច្ចុប្បន្នកំពុងជាប់ភារកិច្ចលេងក្រុមជម្រើសជាតិរបស់គាត់នៅក្នុងព្រឹត្តិការណ៍ European Championship, ហើយជារឿយៗលោកតែងតែស្ថិតនៅក្នុងជម្រើស ១១ នាក់ដំបូង បន្ទាប់ពីបង្ហាញទម្រង់លេងល្អឱ្យក្រុម Lyon កាលពីរដូវកាលមុន។
ខ្សែប្រយុទ្ធវ័យ ២៧ ឆ្នាំពេលនេះកំពុងឆ្ពោះទៅមុខដោយរលូន, ម្យ៉ាងទៀតក៏មានព័ត៌មានលេចឮថា គាត់នឹងត្រូវផ្ទេរទៅកាន់ក្លិប Barcelona នៅរដូវកាលក្រោយផងដែរ, ប៉ុន្តែការបង្ហាញខ្លួនពុំសូវបានល្អនៅទឹកដី Old Trafford ក្នុងចន្លោះឆ្នាំ ២០១៥ ដល់ឆ្នាំ ២០១៧ នៅតែធ្វើឱ្យគាត់ជាប់នៅក្នុងកំណត់ត្រាដ៏អាក្រក់មកទល់សព្វថ្ងៃ។
ទាក់ទងនឹងការបង្ហាញទម្រង់មិនសូវបានល្អនៅទឹកដី Old Trafford របស់ Depay លោក Ferdinand ក៏បានមានប្រសាសន៍ពន្យល់ហេតុផលប្រាប់ទៅកាន់គេហទំព័រ BBC Sport យ៉ាងដូច្នេះថា៖
ខ្ញុំគិតថា គាត់ជាកីឡាករកំពូលម្នាក់។ គាត់គឺមានបទពិសោធន៍ក្មេងខ្ចី ដែលរឿងគ្រប់យ៉ាងនៃជីវិតរស់នៅក្នុងវិស័យបាល់ទាត់របស់គាត់ហាក់មានភាពមិនរលូន និងម្យ៉ាងទៀតវាគឺហួសពីកម្រិតពសម្ថភាពរបស់គាត់នៅពេលនោះ, កីឡាករមួយចំនួនដែលស្នាក់នៅទីនោះរយៈពេលច្រើនឆ្នាំ ក៏មិនសូវដឹងច្បាស់ដែរ ហើយវាគឺត្រូវការពេលវេលាសម្រាប់នរណាម្នាក់ សូម្បីតែខ្ញុំក៏ត្រូវការពេលវេលាដូចគ្នា។
លោក Ferdinand បានបន្ថែមទៀតថា៖
ខ្ញុំគិតថាវាបានកើតឡើងនូវរឿងជាច្រើន។ ការកំណត់ពេលវេលា និង ទីកន្លែងដ៏ត្រឹមត្រូវ វាជារឿងប្រសើរ, ហើយគាត់បានទៅទីនោះទាំងមានវ័យនៅក្មេងពេក៕
ប្រភព៖ Goal
Bong I.T