អ៊ីតាលី៖ អ្នកចាំទីចាស់វស្សា Gianluigi Buffon បានសម្រេចចិត្ដត្រលប់ទៅកាន់ក្លិប Parma វិញដែលជាក្លិបចាស់របស់គេ បន្ទាប់ពីរយៈពេល២០ឆ្នាំ នៃចាកចេញពីក្លិបនេះ ទៅចូលជាមួយក្លិប Juventus ។

កីឡាករ  Gianluigi Buffon
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

Buffon បានបង្ហាញខ្លួនជាលើកដំបូងសម្រាប់អាជីពរបស់ខ្លួននៅក្លិប Parma នៅអាយុ ១៧ឆ្នាំ ពោលគឺក្នុងឆ្នាំ១៩៩៥ ដោយបានឈ្នះពានរង្វាន់ជាហូរហែ មុនផ្លាស់ទៅកាន់ក្លិប Juventus ក្នុងឆ្នាំ១៩៩៩ ក្នុងនាមជាអ្នកចាំទីមានម្លៃខ្លួនថ្លៃបំផុតនៅលើពិភពលោក។

តែទីបំផុត អ្នកចាំទីវ័យ៤៣ឆ្នាំរូបនេះ បានសម្រេចចាកចេញពីក្លិប Juventus នៅចុងរដូវកាលនេះ ក្រោយចំណាយពេលអស់ ២ទសវត្សន៍ បូករួមទាំងការផ្លាស់ទៅកាន់ក្លិប PSG អស់រយៈពេល ១២ខែ ក្នុងរដូវកាល ២០១៨-២០១៩។ ដើម្បីទៅចូលរួមជាមួយទ្រនំចាស់ គឺក្លិប Parma ដែលកំពុងប្រកបអាជីបនៅលីគទីពីរ Serie B។

កីឡាករ Gianluigi Buffon

គួរឲ្យដឹងថា ក្លិប Parma ដែលមានម្ចាស់ជាជនជាតិអាមេរិក ត្រូវបានប្រកាសក្ស័យធន ហើយត្រូវបានបង្កើតឡើងវិញចូលលេងនៅក្របខណ្ឌ Serie D ក្នុងឆ្នាំ ២០១៥ ហើយបានឡើងមក Serie A វិញក្នុងឆ្នាំ ២០១៨ ។ ប៉ុន្ដែគួរឲ្យសោកស្ដាយ ដោយសារពួកគេធ្វើមិនបានល្អសម្រាប់រដូវកាល ២០២០-២០២១នេះ ជាហេតុបណ្ដាលឲ្យធ្លាក់ទៅ Serie B វិញ៕

ប្រភព៖: espn

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]