Chelsea ហ៊ានថ្លៃដល់ជាង៥០លាន និងថែមកីឡាកររូបនេះម្នាក់ទៀត ព្រោះតែចង់បាន Hakimi

អង់គ្លេស៖ យោងតាមប្រភពព័ត៌មានក្នុងប្រទេសអ៊ីតាលីបានឲ្យដឹងថា ក្លិបតោខៀវ Chelsea មានបំណងឆក់យកខ្សែការពារស្លាបស្ដាំរបស់ក្រុម Inter Milan កីឡាករ Achraf Hakimi ឲ្យបានមុនក្លិបយក្សបារាំង Paris Saint-Germain ។

យ៉ាងណាមិញ បន្ទាន់ពីមានសេក្ដីរាយការណ៍មួយថា សំណើដេញថ្លៃដំបូងសម្រាប់កីឡាករ Hakimi ត្រូវបានក្លិប Inter Milan ដែលជាម្ចាស់ជើង ​Serie A រដូវកាលកន្លងទៅនេះ បដិសេធ ជាហេតុធ្វើឲ្យក្រុមតោខៀវអង់គ្លេស ត្រលប់ទៅដាក់សំណើថ្មីម្ដងទៀត។

ដោយលើកនេះ បើតាមការចុះផ្សាយរបស់កាសែត Repubblica ក្លិប Chelsea បានបង្កើនតម្លៃផ្ទេរកីឡាករ Hakimi ដល់ទៅ ៥២លានផោន (ប្រមាណជាង ៧០លានដុល្លារអាមេរិក) បូកបន្ថែមខ្សែការពារ Marcos Alonson ម្នាក់ទៀត។

ដូច្នេះ គេនឹងរង់ចាំមើលថាក្លិប Inter នឹងចាប់អារម្មណ៍លើសំណើររបស់ក្លិប Chelsea ដែលកំពុងចង់ចុះហត្ថលេខាយកកីឡាករថ្មីៗជាច្រើននាក់មកពង្រឹងក្រុមនេះ ឬយ៉ាងណា៕

ប្រភព៖ thesun