អឺរ៉ុប៖ គ្រូបង្គោលក្រុមជម្រើសជាតិរុស្សី លោក Stanislav Cherchesov បានធ្វើរឿងដ៏សំណើចមួយនៅក្នុងសន្និសិទកាសែតក្រោយបញ្ចប់ការប្រកួតយប់មិញតាមរយៈការហូបកូកាកូឡាដែលបានដាក់នៅលើតុ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ នាពេលថ្មីៗនេះ ក្នុងការធ្វើសន្និសិទកាសែត កីឡាករ Cristiano Ronaldo បានយកដបកូកាកូឡាចេញ និង ជំនួសវិញដោយទឹកសុទ្ធ ដោយសាររូបគេគិតថាកូកាមិនល្អសម្រាប់សុខភាពឡើយ ហើយ ក្រោយមកទៀត Paul Pogba វិញម្តងក៏បានដកដបស្រាបៀរចេញ ហើយ មូលហេតុដែលគេជឿជាក់ថា រូបគេសម្រេចចិត្តធ្វើបែបនេះ គឺ ដោយសារ ខ្លួនជាអ្នកកាន់សាសនាមូស្លីមដែលមិនអាចពិសារស្រាបៀរបានឡើយ ពោល ខុសទំនៀមទម្លាប់សាសនា។
យ៉ាងណាក្តី សម្រាប់លោក Stanislav បានធ្វើរឿងដ៏អស់សំណើចផ្ទុយពីកីឡាករទាំងពីរខាងលើដោយលោកបានគាស់ដបកូកាកូឡា និង បានហូបដោយសប្បាយរីករាយដែលធ្វើឲ្យអ្នកគាំទ្រជាច្រើននៅជុំវិញពិភពលោកកំពុងតែនឹងអស់សំណើចនឹងសកម្មភាពរបស់លោក៕