បានចូលលេងឬអត់? វាសនារបស់ Real Madrid, Barca និង Juventus នៅ UCL រដូវកាលក្រោយ ត្រូវបានសម្រេចហើយ

អឺរ៉ុប៖ សហព័ន្ធបាល់ទាត់ទ្វីបអឺរ៉ុបហៅកាត់ថា UEFA បានផ្ញើសំបុត្រកោះហៅក្លិបធំៗទាំងបីគឺ Juventus, Barcelona និង  Real Madrid ឲ្យចូលលេងនៅក្នុងការប្រកួត Champions League រដូវកាលក្រោយបើទោះបីជាក្លិបទាំងបីនេះនៅតែក្រាញននៀលមិនព្រមដកខ្លួនចេញពី European Super League ក៏ដោយ។

កាលពីខែឧសភាកន្លងទៅនេះ លោកប្រធាន Florentino Perez បានប្រកាសបង្កើត Super League ដោយមានក្លិបធំៗចូលរួមជាច្រើនប៉ុន្តែមិនដល់រយៈពេល៤៨ម៉ោងផង ក្លិបទាំងអស់រួមមាន Manchester United,Manchester City,Liverpool, Chelsea, Tottenham Hotspur, Arsenal, Inter Milan, AC Milan,Atletico Madrid បានប្រកាសដកខ្លួនចេញ នៅសល់តែ Real Madrid, Barcelona និង Juventus ទេដែលនៅធ្វើជាសមាជិកដដែល។

UEFA ធ្លាប់គំរាមក្លិបទាំងបីនេះនិងបានដាក់ពាក្យបណ្ដឹងទៀតផងប៉ុន្តែលទ្ធផលគឺតុលាការប្រទេសស្វីសសម្រេចឲ្យ UEFA ជាអ្នកចាញ់ក្ដីទៅវិញ។

ដូច្នេះទើប UEFA បានផ្ញើសំបុត្រអញ្ជើញក្លិបទាំងបីឲ្យចូលលេងនៅ Champions League រដូវកាលក្រោយដោយបង្ហោះសារមួយថា៖

ដូច្នេះមានន័យថានៅរដូវកាលក្រោយនេះ ប្រិយមិត្តអ្នកគាំទ្រវិស័យបាល់ទាត់នៅតែអាចឃើញក្លិបធំៗទាំងបីនៅលើឆាកប្រកួតដដែល៕

ប្រភព៖ dailymail