បរទេស៖ កីឡាករឆ្នើមរបស់ជម្រើសជាតិអាហ្សង់ទីន កីឡាករ Leonel Messi នឹងធ្វើការប្រកួតទល់នឹងក្រុមខ្លាំង Chile នាព្រឹកថ្ងៃអង្គារនេះ ដែលការប្រកួតនឹងធ្វើឡើងនៅទីក្រុង Rio De Janeiro នៃប្រទេសប្រេស៊ីល។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប្រេស៊ីលត្រូវបានជ្រើសតាំងជាម្ចាស់ផ្ទះនៃការប្រកួតពានដ៏ធំនៃតំបន់អាមេរិចឡាទីននេះ បន្ទាប់ពីប្រទេសអាហ្សង់ទីនបានបដិសេធមិនធ្វើជាម្ចាស់ផ្ទះ ដោយសារតែបញ្ហារាំរ៉ៃ ក្នុងប្រទេសនៃជំងឺកូវីដ-១៩ ។
ថ្លែងក្នុងបទសម្ភាសន៍មុនការប្រកួត តារាឆ្នើមវ័យ៣៣ឆ្នាំ Lionel Messi បានថ្លែងពីគោលជំហររបស់ខ្លួនប្រាប់អ្នកកាសែតដូច្នេះថា៖
ខ្ញុំតែងតែនិយាយថា ខ្ញុំអាចធ្វើទៅបាន ដើម្បីព្យាយាមនៅជាមួយក្រុមជម្រើសជាតិ និងផ្តល់ឱ្យអស់ពីសមត្ថភាពសម្រាប់ជម្រើសជាតិ ។ក្តីសុបិន្តធំបំផុតរបស់ខ្ញុំគឺសំរេចបានស្នាដៃអ្វីមួយជាមួយអាហ្សង់ទីន ខ្ញុំកៀកនឹងឈ្នះពានច្រើនដងហើយជាអកុសលវាមិនត្រូវបានផ្តល់ឱ្យខ្ញុំទេ ប៉ុន្តែខ្ញុំនឹងព្យាយាមបន្តស្វែងរកវារហូតដល់វាត្រូវបានផ្តល់ឱ្យខ្ញុំ ។
ប្រសិនបើគ្រូបង្វឹកដែលនៅទីនោះគិតថាខ្ញុំអាចបន្តចូលរួមចំណែកដល់ក្រុម ខ្ញុំតែងតែចង់នៅជាមួយជម្រើសជាតិ ហើយតស៊ូដើម្បីក្តីសុបិន្តនោះ។ ខ្ញុំពិតជាមានសំណាងណាស់ដែលបានឈ្នះអ្វីៗទាំងអស់ជាមួយក្លឹបរបស់ខ្ញុំនិងជាលក្ខណៈឯកជន ហើយវាពិតជាល្អណាស់ក្នុងការឈ្នះអ្វីមួយជាមួយក្រុមជម្រើសជាតិ។
គួរឲ្យដឹងផងដែរថា ក្រុមអាហ្សង់ទីន និងត្រូវប្រកួតប៉ះ ឈីលី នៅថ្ងៃអង្គារ ទី១៥នេះ ដែលការប្រកួតនឹងធ្វើឡើងនៅវេលាម៉ោង ៤:០០នាទីព្រឹក៕
Bong I.T