Messi ចេញមកបដិសេធរឿងអាហ្សង់ទីនពឹងផ្អែកលើខ្លួនខ្លាំងពេក

បរទេស៖ កីឡាករ Lionel Messi មិនជឿថាអាហ្សង់ទីនធ្លាប់ពឹងផ្អែកខ្លាំងពេកលើការចូលរួមចំណែករបស់គាត់នោះទេខណៈដែលក្រុមមួយនេះកំពុងដើរលើផ្លូវត្រឹមត្រូវក្នុងពាន Copa America ។ Messi ធ្លាប់ជាកីឡាករល្អបំផុតនៅលើពិភពលោកតាំងពីយូរមកហើយ ប៉ុន្តែទោះបីជាទទួលបានជោគជ័យមិនគួរឱ្យជឿលើកម្រិតក្លឹប និងលើកម្រិតផ្ទាល់ខ្លួនក៏ដោយ ក៏ពានរង្វាន់អន្តរជាតិបានទុកគាត់ចោលជាមួយអាហ្សង់ទីនបាត់ទៅហើយ។

Messi នឹងមានឱកាសដើម្បីដោះស្រាយបញ្ហានេះម្តងទៀតនៅរដូវក្តៅនេះនៅ Copa America ។ ប៉ុន្តែបន្ទាប់ពីមានការរិះគន់ជាច្រើនឆ្នាំមកថាអាហ្សង់ទីនពឹងផ្អែកលើ Messi ច្រើនពេក Messi ក៏បានបដិសេធ ហើយនិយាយថាខ្លួនមិនជឿរឿងនោះទេ។  Messi បាននិយាយថា " គ្មានក្រុមជម្រើសជាតិណាមួយពឹងផ្អែកលើខ្ញុំឡើយ ។ យើងតែងតែព្យាយាមមានក្រុមខ្លាំង។ យើងតែងតែនិយាយថាប្រសិនបើយើងមិនមែនជាក្រុមខ្លាំងទេការឈ្នះនិងការសំរេចគោលដៅរបស់យើងនឹងពិបាក ។ 

Messi បន្តទៀតថា " ខ្ញុំគិតថាយើងក្លាយជាក្រុមខ្លាំង។ កីឡាករភាគច្រើនបានធ្វើការជាមួយគ្នាអស់រយៈពេលជាយូរមកហើយ។ យើងបានលេងនៅ Copa America រួចហើយដូច្នេះយើងមានបទពិសោធន៏ក្នុងការលេងវា ។ យើងកំពុងហ្វឹកហាត់ ហើយខ្ញុំគិតថាយើងកំពុងដើរលើផ្លូវត្រូវ "៕

ប្រភព៖ Goal