អឺរ៉ុប៖ James Rodriguez មិនរំពឹងថានឹងចូលរួមជាមួយអតីតគ្រូបង្វឹក Everton លោក Carlo Ancelotti នៅឯក្លិប Real Madrid នោះទេ ដោយកីឡាករវ័យ ២៩ ឆ្នាំរូបនេះបាននិយាយថាគាត់សប្បាយចិត្តនៅ Toffees សម្រាប់ពេលនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សRodriguez ដែលត្រូវបានដកចេញពីក្រុមជម្រើសជាតិកូឡុំប៊ីសម្រាប់ពានរង្វាន់ Copa America បានមកដល់ទីក្រុង Merseyside កាលពីខែកញ្ញាហើយបានបង្ហាញខ្លួនដល់អ្នកគាំទ្រនៅក្នុងសប្តាហ៍ដំបូងរបស់គាត់នៅឯក្លឹប។ទោះយ៉ាងណា ទម្រង់លេងរបស់ Rodriguez បានធ្លាក់ចុះនៅពាក់កណ្តាលរដូវកាលដោយសារបញ្ហាកំភួនជើង។
ថ្លែងនៅលើបណ្តាញសង្គម Instagram Live Rodriguez បាននិយាយថា ឱកាសដែលលោកវិលត្រឡប់មករដ្ឋធានីអេស្ប៉ាញវិញ ដើម្បីលេងក្រោមការដឹកនាំរបស់លោក Ancelotti គឺមានតិចណាស់ ។ ខ្ញុំមិនដឹងទេ ថាខ្ញុំនឹងត្រលប់ទៅ Real Madrid វិញឬអត់ ។ តែខ្ញុំគិតថា ប្រហែលមិនអាចទេ។ ប្រសិនបើខ្ញុំត្រូវស្នាក់នៅមួយឆ្នាំទៀតនៅឯក្លិប Everton នោះក៏មិនអីដែរ។
ខ្ញុំគិតថាលោក Ancelotti នឹងមិនយកខ្ញុំទៅជាមួយនោះទេ ។ ពេលវេលាខ្ញុំជាមួយ Real Madrid ត្រូវបានបញ្ចប។ ខ្ញុំគិតថា ខ្ញុំនឹងមិនទៅទីនោះទេ ប៉ុន្តែខ្ញុំនៅក្មេងនៅឡើយ៕