ប៉ុន្មានសន្លឹកពី PeyPey Dy មើលទៅស្រដៀងនឹង​​តារាកូរ៉េ Park Jimin?

ប្រិយមិត្តភាគច្រើនពិសេសមិត្តៗយុវវ័យអ្នកនិយមលេងបណ្តាញសង្គមប្រាកដជាបានស្គាល់លោក PeyPey Dy រួមមកហើយតាមរយៈវីដេអូកំប្លែងៗ និងខ្សែរឿងខ្លីៗដែលតែងតែធ្វើឲ្យមហាជនបានផ្ទុះសំណើចសើចសប្បាយ​រាល់​ពេលទស្សនាវីដេអូរបស់គាត់ម្តងៗ។

មួយវិញទៀត PeyPey Dy មិនត្រឹមតែមានសមត្ថភាព និងទេពកោសល្យខាងសម្តែងប៉ុណ្ណោះទេ តែតារាប្រុស​រូបនេះ​ក៏​ត្រូវ​បានមហាជនលាន់មាត់សរសើរថា លោកជាតារាដែលមានមុខមាត់និងរាងរូវស្រស់សង្ហាខ្លាំង។ មិនតែ​ប៉ុណ្ណោះ រាល់ពេលដែលលោកបានតុបតែងខ្លួនជានារីវិញគឺកាន់តែប្លែក និងមានភាពស្រស់ស្អាតដូចបេះបិតទៅនឹង​មនុស្សស្រីតែម្តង។

យ៉ាងណាមិញ មុននេះបន្តិចបើយោងតាមផេគហ្វេសប៊ុករបស់ PeyPey Dy បានបង្ហោះរូបភាពថ្មីៗដែលមាន​ភាពរស់រវើក ស្រស់សង្ហាខ្លាំង ព្រមទាំងមានភាពទាក់ទាញ ពិសេសធ្វើឲ្យហ្វេនៗនារីមិនតិចទេដែលបាក់ចិត្តលង់លើ​រូបភាពរបស់លោក។ ក្នុងនោះហ្វេនជាច្រើនបានលើកឡើងដូចៗគ្នាថា ចំពោះរូបភាពថ្មីៗដែលលោកទើប​បង្ហោះ​មុននេះមើលមួយភ្លែតច្រឡំស្មានថាជាតារាកូរ៉េ Park Jimin ព្រោះថាទាំងទម្រង់មុខ ទាំងពណ៌សក់ និងទាំងស្ទាយ៍​តុបតែងខ្លួនគឺស្រដៀងទៅនឹង Jimin ស្ទើរតែ 100 ភាគរយតែម្តង។

គួរបញ្ជាក់ផងដែរថា តារាសម្តែងប្រុស និងកំប្លែងរូបនេះក៏ជា Fan របស់តារាកូរ៉េ Park Jimin ផងដែរ។ ហើយរាល់​កម្រងរូបថតថ្មីៗទាំងនេះគឺប្រហែលលោក PeyPey Dy ថតទុកជាអនុស្សាវរីយ៍ក្នុងថ្ងៃខួបកំណើត ខណៈនឹងខិតជិត​មកដល់ក្នុងរយៈពេលប៉ុន្មានថ្ងៃខាងមុននេះ៕

ចង់ជ្រាបច្បាស់ សូមទស្សនារូបភាពខាងក្រោមនេះ ៖