អង់គ្លេស៖ អតីតអ្នកចាត់ការក្រុមហង្សក្រហម Liverpool និង អធិរាជស​ Real Madrid លោក Rafa Benitez បានលេចមុខជាបេក្ខភាព ក្នុងការជំនួសតំណែងលោក Carlo Ancelotti នៅឯក្លិបស្ករគ្រាប់ Everton ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

លោក Ancelotti បានវិលត្រឡប់ទៅក្លិប Real Madrid វិញ ក្រោយចំណាយពេលបាន១៨ខែ ដឹកនាំក្លិប Everton ។ ជាមួយគ្នានេះ ក្លិបនៅទឹក្រុង Merseyside មួយនេះ បានធ្វើការទាក់ទងទៅភ្នាក់ងាររបស់គ្រូបង្វឹកជាច្រើន រួមមានអតីតគ្រូក្លិប Wolves លោក Nuno Espirito Santo និងគ្រូក្រុម West Ham បច្ចុប្បន្នលោក David Moyes

យ៉ាងណាមិញ បើយោងតាមការចុះផ្សាយរបស់កាសែត The Telegraph បច្ចុប្បន្ន Everton បានសម្លឹងឃើញគ្រូបង្វឹកម្នាក់ទៀតហើយ ពោលគឺលោក Benitez ។

គួរបញ្ជាក់ដែរថា លោក Benitez បច្ចុប្បន្នកំពុងទំនេរពីការងារ ក្រោយបញ្ចប់ភារកិច្ចជាមួយក្រុមនៅលីគកំពូលចិន Dalian ដោយលោកក៏មានគម្រោងវិលត្រឡប់មកកាន់ Premier League វិញផងដែរ៕

ប្រភព៖: metro

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]