កម្ពុជា៖ គ្រូបង្គោលក្រុមជម្រើសជាតកម្ពុជា លោក RYU HIROSE និង ប្រធានក្រុម សឿយ វិសាល សុទ្ធតែមានការតាំងចិតខ្ពស់សម្រាប់ការប្រកួតថ្ងៃស្អែកនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ ក្រុមជម្រើសជាតិកម្ពុជា នឹងត្រូវមានភារកិច្ចសំខាន់ក្នុងការប្រកួតស្អែកនេះទល់នឹង ក្រុមជម្រើសជាតិអុីរ៉ង់ ដែលជាការប្រកួតជម្រុះ World Cup ជុំទីពីរ ខណៈជើងទីមួយកម្ពុជាបានរងបរាជ័យក្នុងលទ្ធផល ១៤ទល់នឹង០។
លោក HIROSE បាននិយាយថា៖
ទោះបីជាថ្ងៃស្អែក យើងត្រូវជួបជាមួយក្រុមមួយដ៏ខ្លាំង ក៏យើងនៅតែមានឆន្ទៈហ៊ានលេងជាមួយរបៀបលេងរបស់ពួកយើង។ ខ្ញុំជឿជាក់ថានៅថ្ងៃស្អែកក្រុមរបស់ពួកយើងនឹងបង្ហាញការលេងបានល្អ។
ចំណែក វិសាល វិញបាននិយាយថា៖
កីឡាករទាំងអស់នឹងប្តូរផ្តាច់ដើម្បីក្រុមនិងអ្នកគាំទ្រទាំងអស់គ្នា ក្នុងការប្រកួតនៅថ្ងៃស្អែកនេះ។ យើងដឹងហើយថា អុីរ៉ង់ ជាក្រុមខ្លាំងនៅអាស៊ីដែលមានកីឡាករល្អជាច្រើនលេងនៅអ៊ឺរ៉ុប យើងសប្បាយចិត្តដែលបានលេងជាមួយពួកគេ ហើយ វាជាឱកាសដែលយើងនឹងទទួលបានពិសោធន៍ពីពួកគេ៕
Bong I.T