មិត្តអ្នកគាំទ្ររបស់តារាចម្រៀងល្បីឈ្មោះពីរដួងនោះគឺ កញ្ញា តន់ ច័ន្ទសីម៉ា និងលោក សិរីមន្ត ហាក់មានការងឿងឆ្ងល់ជាខ្លាំង ក្រោយកញ្ញា សីម៉ា ប្រើប្រយោគបែបឲ្យហេតុនៅលើទំព័រហ្វេសប៊ុកផេកផ្លូវការរបស់ខ្លួន កាលពីថ្ងៃទី ០៩ ខែមិថុនា ថ្មីៗនេះ ដោយបានសរសេរចំណងជើង និងអមជាមួយរូបភាពជាច្រើនស្លឹកហើយបានពោលយ៉ាងដូច្នេះថា "ថ្ងៃនេះបំពេញការងាជាមួយលោកពូ ខេមរៈ សិរីមន្តជាលើកដំបូងសូមផ្ញើរក្ដីនឹករលឹកដល់ពុកម៉ែបងប្អូនផង!”។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមានអ្នកគាំទ្រជាច្រើន បានដាក់ការសង្ស័យថាតើនេះជាការឲ្យហេតុមែនទេ? លោក សិរីមន្ត ពិតជាឈានជើងចាកចេញពីទ្រនំចាស់ ផលិតកម្មរស្មីហង្សមាស ហើយវិលមកច្រៀងក្នុងទ្រនំថ្មីរបស់អ្នកឧកញ៉ាវ័យក្មេង ឡេង ណាវ៉ាត្រា នោះគឺផលិតកម្ម Galaxy Navatra ហើយចាប់ដៃគូជាមួយ តន់ ច័ន្ទសីម៉ា មែន ឬយ៉ាងណា?។
ហើយមានមតិខ្លះទៀតក៏លើកឡើងថា ការចាកចេញពីផលិតកម្ម រស្មីហង្សមាស របស់លោក សិរីមន្ត គឺជារឿងដែលមិនអាចទៅរួចនោះទេ នោះក៏ព្រោះថាលោកមិនទាន់ចប់កុងត្រាជាមួយលំដាប់ផលិតកម្មល្បីឈ្មោះនេះនៅឡើយ។
យ៉ាងណាមិញបន្ទាប់ពីមានការបញ្ចេញមតិផ្សេងៗគ្នា គេពុំទាន់ឃើញម្ចាស់ខ្លួនទាំងពីរ ចេញមុខបកស្រាយជុំវិញករណីនេះនៅឡើយទេ៕