អង់គ្លេស៖ កីឡាកររបស់ក្រុមមេឃខៀវ Manchester City និង ជាសមាជិកមួយរូបរបស់ក្រុមតោកំណាចអង់គ្លេស គឺ កីឡាករ Phil Foden បានធ្វើការថ្លែងអំណរគុណដល់គ្រូបង្វឹកក្រុមជម្រើសជាតិលោក Gareth Southgate ដែលបានផ្តល់ឪកាសលើកទី២ បន្ទាប់ពីមានរឿងរ៉ាវកើតឡើងនៅអុីស្លង់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគួរបញ្ជាក់ផងដែរថា កីឡាកររបស់ក្រុមមេឃខៀវ Manchester City គឺ កីឡាករ Phil Foden និងកីឡាកររបស់ក្រុមបិសាចក្រហម Manchester United គឺ កីឡាករ Mason Greenwood ត្រូវបានគេបញ្ជូនត្រឡប់មកប្រទេសអង់គ្លេសវិញភ្លាមៗ ក្រោយរំលោភគោលការណ៏ណែនាំស្តីអំពី Covid-19 បន្ទាប់ពីពួកគេបានបង្ហាញខ្លួនក្នុងដំណើរកំសាន្តទៅកាន់ប្រទេសអុីស្លង់ចំពេលដែលរូបគេមានការចោទប្រកាន់ពីការនាំសង្សាររបស់ពួកគេទៅកាន់សណ្ឋារគាវិញ។
ទោះយ៉ាងណាលោក Foden បានវិលត្រឡប់មកចូលរួមជាមួយក្រុមជម្រើសជាតិវិញវិញនៅពេលមានទម្រង់លេងគួរឱ្យចាប់អារម្មណ៍សម្រាប់ក្រុម Manchester City ។ មុនការប្រកួតជើងឯកអ៊ឺរ៉ុបកីឡាករវ័យ ២១ ឆ្នាំរូបនេះនៅតែមានអំណរគុណចំពោះគ្រូបង្វឹកអង់គ្លេសលោក Southgate ដែលបានផ្តល់ឱកាសឱ្យគាត់ជាលើកទី ២ ៕