អតីត​កីឡាករ Spurs រូបនេះបង្ហើបពីគោលបំណងក្នុងការវិលត្រឡប់ទៅក្លិបចាស់វិញ

បរទេស៖ អតីតកីឡាកររបស់ក្លិបយក្សមាន់ខ្នាយមាសមួយរូប កីឡាករ Danny Rose បានបង្ហើបពីគោលបំណងនិងក្តីស្រមៃក្នុងការវិលត្រឡប់ទៅកាន់ក្លិបចាស់ Tottenham Hotspur របស់គេវិញ ដើម្បីជួយអភិវឌ្ឍន៍ថ្នាល់យុវជនរបស់ក្លិប។

រូបគេបាននិយាយថា រូបគេធ្លាប់ធ្វើការជាមួយយុវជនរបស់ក្លិបហើយរូបគេមានអារម្មណ៍ថាស្និទ្ធស្នាលជាមួយពួកគេណាស់ លើសពីនេះទៅទៀតគេក៏បាននិយាយដែរថាគេពិតជាចង់ចំណាយពេលដើម្បីធ្វើការជាមួយពួកគេណាស់។ កីឡាកររូបនេះក៏បាននិយាយដែរថា រូបគេធ្លាប់និយាយជាមួយប្រធានក្លិបលោក Daniel Levy មុននឹងចាកចេញពីក្លិប ដោយលោកប្រធានក្លិប Daniel Levy បានប្រាប់ទៅកាន់រូបគេថាក្លិបមួយនេះនឹងទទួលស្វាគមន៍រូបគេជានិច្ចនាថ្ងៃអនាគត។

គួរបញ្ជាក់ផងដែរថា នៅពេលនេះកីឡាករ Danny Rose ពុំទាន់មានក្លិបលេងនៅឡើយទេ បន្ទាប់ពីចាកចេញពី Spurs ក្រោយចំណាយពេលជាង ១៤ ឆ្នាំជាមួយគ្នា៕