អុីតាលី៖ អតីតគ្រូបង្វឹករបស់ក្រុមតោខៀវ Chelsea គឺ លោក Maurizio Sarri បានប្រាប់ពីបំណងរបស់លោកថា រូបលោកចង់នាំយកអតីតកូនក្រុមរបស់លោកម្នាក់នៅក្រុម Chelsea គឺ កីឡាករសញ្ជាតិអង់គ្លេស Roben Loftus-Cheek ចូលរួមជាមួយលោកនៅពេលដែលរូបលោកឡើងកាន់តំណែងនៅក្រុម Lazio ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោក Maurizio Sarri បានចងក្រងបញ្ជីកីឡាករដែលគាត់ចង់ធ្វើការជាមួយនៅ Lazio ហើយក្នុងចំណោមអ្នកទាំងនេះមានឈ្មោះជាច្រើនដែលធ្លាប់ធ្វើការជាមួយគាត់កាលពីមុនជាពិសេសគឺ Loftus-Cheek ។ កីឡាករមួយចំនួនទៀតដូចជា កីឡាករ Elseid Hysaj និង Nikola Maksimovic គឺជាកីឡាករពីរនាក់ដែលមានឈ្មោះក្នុងបញ្ជីឥតគិតថ្លៃដែលដឹងច្បាស់អំពីបច្ចេកទេសរបស់ Sarri តាំងពីពេលធ្វើការជាមួយគ្នានៅក្រុម Napoli ហើយនឹងជាការទិញតម្លៃថោកចំនួន ២ ដែលនឹងធ្វើអោយចំនួនកីឡាករកាន់តែប្រសើរឡើង។
យោងទៅតាម Corriere dello Sport កីឡាករដំបូងដែលបានស្នើសុំដោយ Sarri សម្រាប់របប Lazio របស់គាត់គឺ Loftus-Cheek អាយុ ២៥ ឆ្នាំជាខ្សែបម្រើរបស់ក្លិបតោខៀវ Chelsea ។ឆាប់ៗនេះក្រុម Lazio នឹងស្នើសុំឱ្យក្រុមតោខៀវ Chelsea លក់កីឡាកររូបនេះក្នុងការទិញនៅចុងបញ្ចប់នៃរដូវកាលនេះសម្រាប់ការបូកសរុបជាមុន៕