បរទេស៖ អតីតកីឡាកររបស់ក្រុម A​​jax​ និងបច្ចុប្បន្នជាកីឡាករខ្សែបម្រើម្នាក់របស់ក្រុមបីសាចក្រហម​ Manchester United គឺ កីឡាករសញ្ជាតិហូឡង់ Donny Van De Beek បានសម្រេចចិត្តដកខ្លួនពីក្រុមជម្រើសជាតិក្រោយជួបបញ្ហារបួស។

កីឡាករសញ្ជាតិហូឡង់ Donny Van De Beek
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
កីឡាករសញ្ជាតិហូឡង់ Donny Van De Beek

គួររម្លឹកផងដែរថា កីឡាករ Donny Van de Beek បានលេង ៩០ នាទីពេញនៃការប្រកួតបបិទរដូវកាលនៃក្របខ័ណ្ឌ Premier League របស់ក្រុមបិសាចក្រហម Manchester United ទល់នឹងក្រុមចចកខ្មៅ Wolves និងស្ថិតនៅជាកីឡាករបម្រុងសម្រាប់ការបរាជ័យចុងក្រោយរបស់ពួកគេក្នុងព្រឹត្តិការណ៍ Europa League ក្រោមថ្វីជើងក្រុម Villarreal មុនពេលមានឈ្មោះនៅក្នុងបញ្ជីកីឡាករទាំង ២៦ នាក់ចុងក្រោយរបស់លោកគ្រូបង្វឹកក្រុមជម្រើសជាតិ Frank de Boer សម្រាប់ពានរង្វាន់អឺរ៉ុប​ Euro2020 ។

កីឡាករសញ្ជាតិហូឡង់ Donny Van De Beek
កីឡាករសញ្ជាតិហូឡង់ Donny Van De Beek

ទោះយ៉ាងណាគាត់នៅតែស្ថិតនៅជាកីឡាករបម្រុងដដែលនៅក្នុងប្រកួតដែលទទួលបានលទ្ធផលស្មើ ២-២ ទល់នឹងស្កុតឡេនកាលពីសប្តាហ៍មុន​ មុនពេលខកខានការប្រកួតក្រុមទាំងស្រុងសម្រាប់ក្រុមក្នុងជ័យជម្នះនាថ្ងៃអាទិត្យលើក្រុមជម្រើសជាតិហ្សកហ្ស៊ី។​ តាមរយះរបាយការណ៏មួយចំនួនបានចេញផ្សាយថា កីឡាករ Van De Beek បានកំពុងជួបប្រទះបញ្ហារបួសហើយត្រូវធ្វើហ្វឹកហាត់ដាច់ពីក្រុមធំ តែដោយសារបញ្ហារបួសមិនអាចជាសះស្បើយទាន់ពេលវេលាបានទើបរូបគាត់ដកខ្លួនចេញពីក្រុមជម្រើសជាតិតែម្តង៕

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]