Messi ចង់មកលេងនៅ PSG តែប្រធានក្លិបបារាំងនិយាយថា «យើងមិនអាចចុះហត្ថលេខាលើគ្រប់កីឡាករបានទាំងអស់នោះទេ»

អឺរ៉ុប៖ ប្រធានក្លឹប PSG លោក Nasser Al-Khelaifi បាននិយាយថា កីឡាករឆ្នើមទាំងអស់ចង់ចូលរួមជាមួយក្លឹប PSG ប៉ុន្តែគាត់បានបដិសេធមិនពិភាក្សាអំពីការផ្លាស់ប្តូរទាក់ទងនឹង Lionel Messi របស់ក្លឹប Barcelona ឡើយ​។​

Messi ផុតកិច្ចសន្យាជាមួយ Barcelona ត្រូវបានផ្សារភ្ជាប់ជាយូរមកហើយជាមួយនឹងការផ្លាស់ប្តូរទៅលេងនៅ Ligue 1 ចំពេលមានការលំបាកផ្នែកហិរញ្ញវត្ថុរបស់ Catalans ។

Al-Khelaifi បានប្រាប់ L'Equipe ថា Messi គឺនៅចុងបញ្ចប់នៃកិច្ចសន្យារបស់គាត់ ហើយក្លិបទាំងអស់​មានសិទ្ធិ​និយាយជាមួយគាត់ ហើយជ្រើសរើសគាត់សម្រាប់រដូវកាលក្រោយ ។ អ្វីដែលខ្ញុំអាចប្រាប់អ្នក ហើយអ្នកអាច​ជឿ​ខ្ញុំបាន​​នោះ គឺថាកីឡាករឆ្នើមទាំងអស់ចង់មក PSG ។ និយាយឲ្យចំទៅ ខ្ញុំមិននិយាយបែបនេះដើម្បីឆ្លើយ​សំណួរ​អ្នកអំពី Messi ទេ។ យើងមិនអាចចុះហត្ថលេខាលើគ្រប់កីឡាករបានទាំងអស់នោះទេ ព្រោះយើងក៏មានកីឡាករ​ឆ្នើមៗ ដែរ ហើយ Messi គឺ Messi ។ គាតនៅតែជាកីឡាករអស្ចារ្យម្នាក់៕