យេមែន៖ អ្នកនេសាទចំនួន៣៥នាក់ រស់នៅក្នុងប្រទេសយេមែន បានរកឃើញកម្អួតត្រីបាឡែនយ៉ាងធំ ដែលមានតម្លៃសន្ធឹកសន្ធាប់ តាំងពីខែកុម្ភៈ ឆ្នាំ២០២១មកម៉្លេះ។ នេះបើយោងតាមប្រភពសារព័ត៌មាន Daily Mail ចុះផ្សាយនៅថ្ងៃទី០១ ខែមិថុនា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដំបូងឡើយក្រុមអ្នកនេសាទ បានឮដំណឹងថាមានសាកសពត្រីបាឡែនដ៏ធំមួយក្បាលអណ្ដែតនៅលើឈូងសមុទ្រ Aden ហើយពួកគេបាននាំយកសាកសពត្រីបាឡែនទៅច្រាំង និងវះពោះមើល ទើបអាចរកឃើញកម្អួតត្រីបាឡែនដ៏កម្រនេះ ដែលមានទម្ងន់១២៧គីឡូក្រាម និងអាចលក់បានប្រាក់ចំនួនជាង១.៥លានដុល្លារអាមេរិកឯណោះ។
ទន្ទឹមនឹងនេះដែរ អ្នកនេសាទម្នាក់ បានឲ្យដឹងថា ភ្លាមៗនៅពេលដែលពួកគេចូលទៅជិតសាកសពត្រីបាឡែន ពួកគេបានធុំក្លិនខ្លាំង និងមានអារម្មណ៍ថា ប្រាកដជាមានអ្វីម៉្យាងនៅក្នុងខ្លួនត្រីបាឡែនជាមិនខាន ដូច្នេះហើយទើបពួកគេនាំគ្នាវះពោះរបស់វាមើល។
យ៉ាងណាមិញ ប្រាក់ដែលបានទទួល ក្រុមអ្នកនេសាទចែកគ្នា ដោយអ្នកខ្លះយកទៅសង់ផ្ទះ ទិញឡាន ប្ដូរទូកនេសាទ និងអ្នកខ្លះទៀត គ្រោងនឹងរៀបការផងដែរ។
គួរបញ្ជាក់ដែរថា កម្អួតត្រីបាឡែនមានតម្លៃខ្លាំងណាស់ ដែលគេអាចយកទៅធ្វើជាគ្រឿងផ្សំផលិតទឹកអប់ឲ្យមានក្លិនក្រអូប និងគ្រឿងសម្អាងជាដើម៕
សូមទស្សនារូបភាពខាងក្រោម៖
ប្រភព: Daily Mail