តាមការពិត Real Madrid ត្រូវបានលោក Mourinho បដិសេធ ទើបក្លិបសម្រេចតែងតាំងលោក Ancelotti ជាគ្រូបង្វឹកថ្មី

អឺរ៉ុប៖ យោងតាមសារព័ត៌មាន The Telegraph បានឱ្យដឹងថាលោក Jose Mourinho បានច្រានចោលរបស់ Real Madrid មុនពេលមានការតែងតាំងលោក Carlo Ancelotti ជាអ្នកគ្រប់គ្រងថ្មី។ លោក Mourinho គ្រប់គ្រង Real Madrid បាន ៣ រដូវកាលដោយឈ្នះ La Liga និង Copa Del Rey មុនពេលត្រឡប់មក Chelsea វិញ។ បន្ទាប់មកលោក Ancelotti បានចាកចេញពី Paris Saint-Germain ដើម្បីជំនួសគាត់នៅឆ្នាំ ២០១៣ ។

ថ្វីត្បិតតែឈ្នះពានរង្វាន់ ខណៈពេលដែលកំពុងប្រជែងជាមួយក្លឹបដ៏អស្ចារ្យ គឺ Barcelona លោក Mourinho បានបន្សល់ទុកនូវអនុស្សាវរីយ៍ដ៏ជូរចត់ជាមួយអ្នកគាំទ្ររបស់ Los Blancos ។ ទំនាក់ទំនងអាក្រក់របស់គាត់ជាមួយកីឡាករសំខាន់ៗនិងជាមួយប្រព័ន្ធផ្សព្វផ្សាយអេស្ប៉ាញ ដែលបានន័យថា Madrid សប្បាយចិត្តអំពីការចាកចេញរបស់គាត់ បន្ទាប់ពីចាញ់ការប្រកួតវគ្គផ្តាច់ព្រ័ត្រមួយទៅគូប្រជែង Atletico Madrid ។ ទោះបីជាបែបនេះក៏ដោយ ក៏គាត់នៅតែជាមនុស្សដែលមានប្រជាប្រិយភាពជាមួយប្រធានក្លឹបលោក Florentino Perez ។

ខណៈពេលដែលក្រុមរបស់លោក Mourinho បានជជែកពិភាក្សាជាមួយនឹងអតីតក្លិបរបស់លោកកាលពីចុងសប្តាហ៍ បន្ទាប់ពីការលាលែងពីតំណែងរបស់លោក Zidane ពួកគេបានបង្ហាញចំណាប់អារម្មណ៍តិចតួចក្នុងការយកគាត់ត្រឡប់ទៅកាន់ទីក្រុង Madrid វិញបន្ទាប់ពីបានចុះកុងត្រារយៈពេល ៣ ឆ្នាំជាមួយក្រុម Roma ។ គេរាយការណ៍ថា គាត់រំភើបចំពោះគម្រោងរបស់ក្លឹប និងទិសដៅដែល Friedkin Group គ្រោងនឹងយកមកក្លិប៕