ខេត្តកណ្តាល៖ ក្រោយមានការផ្ទុះការតវ៉ា និង ផ្ទុះអាវុធ រវាងប្រជាពលរដ្ឋ និង ទាហានរួចមក ដោយបានបង្កឱ្យពលរដ្ឋម្នាក់រងរបួស នៅស្រុកអង្គស្នួល ខេត្តកណ្តាល កាលពីថ្ងៃទី០៣ ខែឧសភា ឆ្នាំ២០២១ នោះមក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងនោះ រដ្ឋបាលខេត្តកណ្តាល នៅថ្ងៃទី០៣ ខែឧសភា ឆ្នាំ២០២១នេះ បានចេញសេចក្តីសេចក្តីជូនដំណឹងពាក់ព័ន្ធនឹងការប្រមូលផ្តុំតវ៉ារបស់ប្រជាពលរដ្ឋ ឈានដល់ការបិទផ្លូវជាតិលេខ៥១ នៅចំណុចដីរដ្ឋ (ដីចម្ការបារាំង) ស្ថិតនៅឃុំទួលព្រេជ ស្រុកអង្គស្នួល ខេត្តកណ្តាល។
តាមសេចក្តីជូនដំណឹងនេះ រដ្ឋបាលខេត្តកណ្តាល បានជម្រាបដល់ប្រជាពលរដ្ឋនៅឃុំទួលព្រេជ ស្រុកអង្គស្នួល ខេត្តកណ្តាល ដែលកំពុងតវ៉ាបិទផ្លូវជាតិលេខ៥១ ត្រង់ចំណុចដីរដ្ឋ (ដីចំការបារាំង) ឱ្យបានជ្រាបថា ដីចម្ការបារាំង ជាដីរដ្ឋ ដែលរាជរដ្ឋាភិបាលគ្រៀងរៀបចំ មួយផ្នែក សម្រាប់ប្រើប្រាស់ជាប្រយោជន៍ការពារជាតិ និង មួយផ្នែកទៀត ប្រើប្រាស់វិស័យបរិស្ថាន ជាទីតាំងសម្រាក់ទុកដាក់សំរាម និង សំណល់រឹងចុងក្រោយ។
ទន្ទឹមនិងនោះ ក្រុមការងារគណៈកម្មការអន្តរក្រសួង.ដោះស្រាយផល.ប៉ះ.ពាល់ កំពុងខិតខំសិក្សាស្រាវជ្រាវ ដើម្បីឈាន.ដល់ការដោះស្រាយ។
ជាមួយគ្នានោះដែរ រដ្ឋបាលខេត្ត បានស្នើដល់បងប្អូនប្រជាពលរដ្ឋ បើកផ្លូវឱ្យមានការធ្វើចរាចរណ៍ជាធម្មតាឡើងវិញ និង សូមមានការអត់ធ្មត់ ដោយចូលរួមការសម្របសម្រួល ជាមួយអាជ្ញាធរមានសមត្ថកិច្ច និង ក្រុមការងារគណៈកម្មការអន្តរក្រសួងដោះស្រាយផលប៉ះពាល់៕