Real Madrid ចង់លក់​ខ្សែប្រយុទ្ធ​ឆ្នើម​​របស់ខ្លួន ខណៈ​កីឡាករ​​រូប​នេះ​ប្រាប់ទៅក្លិប​ថា «ខ្ញុំមិនចង់​ចាកចេញទេ»

អឺរ៉ុប៖ Hazard បានចុះកុងត្រារយៈពេល ៥ ឆ្នាំជាមួយម៉ាឌ្រីតក្នុងឆ្នាំ ២០១៩ ក្នុងតម្លៃដែលត្រូវបានគេរាយការណ៍​ថា​មានចំនួនជាង ១០០ លានផោន បន្ទាប់ពីទទួលបានជោគជ័យ ៧ ឆ្នាំនៅឯ Stamford Bridge ។ ទោះបីជា​យ៉ាងណាក៏ដោយ ការរងរបួសបានធ្វើឱ្យខាតពេលវេលារបស់កីឡាករបែលហ្ស៊ិកនៅអេស្ប៉ាញ ហើយគាត់ទើបតែ​បានចាប់ផ្តើមការប្រកួត La Liga ចំនួន ២១ ប្រកួតក្នុងរយៈពេលពីររដូវកាលចុងក្រោយនេះ។

Hazard បានជាប់ជម្រើស XI លើកដំបូងតែ ១១ ដងប៉ុណ្ណោះក្នុងឆ្នាំ ២០២០-២២ ក្នុងគ្រប់ការប្រកួតទាំងអស់​ដោយ​ស៊ុតបញ្ចូលទីបាន ៤ ដងនិងបញ្ជូន ២ ដង ខណៈពេលដែលរូបគេបានលេងសើចជាមួយ​អតីតមិត្តរួមក្រុម​តោខៀវ បន្ទាប់ពីការបរាជ័យវគ្គពាក់កណ្តាលផ្តាច់ព្រ័ត្រនៃក្របខ័ណ្ឌ Champions League របស់ម៉ាឌ្រីដបាន​ធ្វើឱ្យ​អ្នកគាំទ្រនិងប្រព័ន្ធផ្សព្វផ្សាយនៅអេស្ប៉ាញរិះគន់ជាខ្លាំង។

វាត្រូវបានគេរាយការណ៍ថា ម៉ាឌ្រីដបានត្រៀមខ្លួនដើម្បីកាត់បន្ថយការខាតបង់របស់ពួកគេលើ Hazard និងពិចារណា​ការផ្ដល់​ជូនដែលមានតម្លៃ 50 លានផោន នៅក្នុងទីផ្សារដោះដូរបន្ទាប់ ប៉ុន្តែកីឡាករវ័យ 30 ឆ្នាំរូបនេះមិនបានត្រៀម​ខ្លួនបោះបង់​ចោលអាជីពនៅ Santiago Bernabeu របស់គាត់ទេ។ កីឡាកររូបនេះបាននិយាយកាលពីថ្ងៃអង្គារថា "ខ្ញុំនៅតែមានកិច្ចសន្យា ៣ ឆ្នាំទៀតនៅឯក្លិប Real Madrid ។ ខ្ញុំចូលចិត្តក្លិបនេះ។ ខ្ញុំចូលចិត្តកីឡាករនៅទីនេះ ។ ខ្ញុំនឹងផ្តល់អ្វីគ្រប់យ៉ាងនៅរដូវកាលក្រោយសម្រាប់ក្លិបនេះ។ ខ្ញុំមិនចង់ចាកចេញពី Real Madrid ទេ"៕