Sergio Aguero កំពុងពន្យារពេលផ្លាស់ទៅ Barcelona រហូតដល់អនាគត Messi នៅក្លិបនេះបានបញ្ជាក់

អង់គ្លេស៖ តាមសេចក្តីរាយការណ៍ថាកីឡាករ Sergio Aguero កំពុងរង់ចាំការបញ្ជាក់អំពីអនាគតរបស់កីឡាករ Lionel Messi មុនពេលគាត់បញ្ចប់ការរំពឹងទុករបស់គាត់ទៅកាន់ក្លិប Barcelona​ ។

កីឡាករសញ្ជាតិអាហ្សង់ទីនរូបនេះនឹងបង្ហាញខ្លួនជាលើកចុងក្រោយរបស់គាត់នៅក្នុងក្លិប Manchester City កំឡុងពេលការប្រកួតវគ្គផ្តាច់ព្រ័ត្រ Champions League នៅថ្ងៃសៅរ៍ បន្ទាប់ពីនោះគាត់ត្រូវបានគេរំពឹងថានឹងបញ្ចប់ការផ្ទេរដោយឥតគិតថ្លៃទៅកាន់ក្លិប La Blaugrana (FC Barcelona) ។

ការភ្ជាប់ទំនាក់ទំនងជាមួយមិត្តរួមជាតិរបស់គេ កីឡាករ Messi ត្រូវបានគេគិតថាជាកត្តាដ៏សំខាន់ក្នុងការសម្រេចចិត្តរបស់គាត់ក្នុងការធ្វើដំណើរទៅកាន់តំបន់ Catalonia ប៉ុន្តែម្ចាស់ពានរង្វាន់ Ballon d’Or ៦ សម័យកាលរូបនេះមិនទាន់បានបន្តកុងត្រានៅឯទឹកដី Camp Nou នៅឡើយទេ ហើយគាត់ក៏មិនបានលេងក្នុងការប្រគួតចុងក្រោយរបស់គាត់សម្រាប់ក្លឹបផងដែរ។

យោងតាម ​​Mundo Deportivo កិច្ចព្រមព្រៀងមួយដើម្បីនាំយកកីឡាករ Aguero ទៅកាន់ក្លិប Barcelona គឺជិតរួចរាល់ហើយ ប៉ុន្តែខ្សែប្រយុទ្ធរូបនេះចង់ធានាថាកីឡាករ Messi នឹងនៅតែបន្តលេងនៅក្លឹបនេះមុនពេលធ្វើការផ្លាស់ប្តូរជាផ្លូវការ។

របាយការណ៍បានបន្ថែមទៀតថាក្លិបធំៗទាំង ៦​ (Big Six) ផ្សេងទៀតនៅ Premier League បានត្រៀមខ្លួនរួចជាស្រេចក្នុងការនាំយកទៅចូលរួមជាមួយខ្លួនប្រសិនបើមានការប្រែប្រួល ប៉ុន្តែកីឡាករ Aguero នៅតែរំពឹងថានឹងបញ្ចប់ការផ្ទេរទៅក្លិប Barcelona ឆាប់ៗនេះ។

លោក Joan Laporta ប្រធានក្លិប Barcelona នៅតែមានសុទិដ្ឋិនិយមចំពោះកិច្ចព្រមព្រៀងថ្មីសម្រាប់កីឡាករ Messi ប៉ុន្តែកិច្ចព្រមព្រៀងមិនទាន់ត្រូវបានគេធ្វើនៅឡើយទេ៕

ប្រភព៖ Sports Mole