អង់គ្លេស៖ យោងតាមសេចក្ដីរាយការណ៍គឺ ក្លិបកាំភ្លើងធំ Arsenal បានទាមទារឲ្យ Roma បង់ប្រាក់ ២១.៥លានផោន(ស្មើនឹងប្រមាណ៣០.៤លានដុល្លារ) បើសិនចង់បានខ្សែបម្រើ Granit Xhaka។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប៉ុន្តែភាគីលោកគ្រូបង្វឹក Jose Mourinho អាចផ្ដល់ឲ្យតែ១០លានផោន (ស្មើនឹងប្រមាណ១៤.១លានដុល្លារ) តែប៉ុណ្ណោះ។
កីឡាករសញ្ជាតិស្វីសរូបនេះបានក្លាយជាតារាជួរមុខដែលបានចូលលេងយ៉ាងទៀងទាត់ក្នុងក្រុមប៉ុន្តែបើសិន Roma ទទូចសុំទិញពេក នោះ Arsenal នឹងព្រមដាក់លក់ព្រោះ Xhaka អាចនឹងចង់ផ្ទេរទៅលេងនៅអ៊ីតាលីវិញដោយសារបញ្ហាចម្រូងចម្រាសជាមួយអ្នកគាំទ្រ Arsenal កាលពីប៉ុន្មានខែមុន។
ម្យ៉ាងទៀត ខ្សែបម្រើវ័យ២៩ឆ្នាំរូបនេះជាសំណព្វចិត្តរបស់លោកគ្រូ Jose Mourinho ដោយធ្លាប់សរសើរថាគេជាកីឡាករពិសេសទៀតផង។
គួររម្លឹកផងដែរថា Granit Xhaka ចាប់ផ្ដើមអាជីពជាកីឡាករបាល់ទាត់នៅក្លិប FC Basel ឯទីក្រុង Basel ប្រទេសស្វីសមុននឹងផ្ទេរទៅ Borussia Monchengladbach ហើយនៅឆ្នាំ២០១៦ គេក៏ផ្ទេរមកលេងនៅទឹកដី Emirates តែម្ដង៕
ប្រភព៖ thesun