ព័រទុយកាល់៖ ខ្សែបម្រើ Ilkay Gundogan ត្រូវបង្ខំចិត្តដើរចេញពីទីលានហ្វឹកហាត់ បន្ទាប់ពីរងរបួសត្រង់ភ្លៅ ខណៈការប្រកួតសំខាន់រវាង Manchester City និង Chelsea នៅវគ្គផ្ដាច់ព្រ័ត្រ Champions League នឹងឈានចូលមកដល់នៅវេលាម៉ោង២ទាបភ្លឺយប់នេះហើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដើមឡើយ លោកគ្រូបង្វឹក Pep Guardiola ទំនងជាដាក់ កីឡាករសញ្ជាតិអាល្លឺម៉ង់រូបនេះឲ្យជាប់ជម្រើស១១នាក់ដំបូងប៉ុន្តែការរងរបួសរបស់ ខ្សែបម្រើវ័យ៣០ឆ្នាំរូបនេះបានធ្វើឲ្យអ្នកគាំទ្រ គ្នាព្រួយបារម្ភខ្លាចបាត់តួសំខាន់ម្នាក់នេះក្នុងទីលានស្របពេលក្លិបមិនទាន់បានចេញសេចក្ដីថ្លែងការណ៍ណាមួយទាក់ទងនឹងស្ថានភាពរបស់ Gundogan ឡើយ។
គួរបញ្ជាក់ផងដែរថា ការប្រកួតនឹងធ្វើឡើងនៅ កីឡដ្ឋាន Estadio Do Dragao នៃទីក្រុងលីបូន ប្រទេសព័រទុយកាល់ ហើយយោងតាមវីដេអូគឺ Ilkay Gundogan បានហ្វឹកហាត់ជាមួយមិត្តរួមក្រុម ប៉ុន្តែគេបានរងការប៉ះទង្គិចនឹងប្រធានក្រុម Fernandinho ទើបបណ្ដាលឲ្យក្លាយជាបែបនេះតែម្ដង។
ខណៈពេលតែមួយ លោកគ្រូបង្វឹក Thomas Tuchel នៃក្លិប Chelsea ឯណោះវិញបានបង្ហើបឲ្យដឹងថាក្រុមរបស់លោកគ្រូមានកីឡាករពេញជើងល្អណាស់ព្រោះ N'Golo Kante និង Edouard Mendy សុទ្ធតែអាចចូលលេងក្នុងការប្រកួតដ៏សំខាន់នេះបាន៕
ប្រភព៖ thesun