អង់គ្លេស៖ ខ្សែការពារ Ozan Kabak ដែល Liverpool ខ្ចីជើងពីក្លិប Schalke បាននិយាយលាមិត្តរួមក្រុមទាំងអស់ បន្ទាប់ពីថ្នាក់លើរបស់ Liverpool សម្រេចចិត្តមិនទិញយករូបគេផ្ដាច់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកីឡាករសញ្ជាតិតួកគីរូបនេះបានផ្ទេរមកទឹកដី Anfield កាលពីខែមករា កំលុងពេលដែល Liverpool កំពុងប្រឈមនឹងវិបត្តិខ្វះខ្សែការពារដោយគេបានចូលលេងយ៉ាងទៀងទាត់ប៉ុន្តែក្រោយរដូវកាលនេះចប់សព្វគ្រប់ គេក៏បានរើចេញពីផ្ទះដែលនៅសព្វថ្ងៃដើម្បីត្រៀមត្រឡប់ទៅក្លិប Schalke ដែលធ្លាក់ចេញពី Bundesliga វិញ។
Liverpool មិនចង់ទិញយក Kabak ដោយសារខ្សែការពារបង្គោល Virgil van Dijk ,Joe Gomez និង Joel Matip ជិតនឹងជាសះស្បើយនិងត្រូវគេរំពឹងទុកថានឹងបានចូលលេងនៅរដូវកាលក្រោយហើយបើទោះបីជាតម្លៃខ្លួនរបស់ Kabak ត្រឹមតែ១៨លានផោន(ស្មើនឹងប្រមាណ២៥.៥លានដុល្លារ)ក៏ Liverpool មិនទិញយកដែរ។
ជំនួសវិញ Liverpool បានទិញយកខ្សែការពារ Ibrahima Konate ពី RB Leipzig ក្នុងតម្លៃខ្លួន៣៦លានផោន(ស្មើនឹងប្រមាណ៥៦ លានដុល្លារ)៕
ប្រភព៖ mirror