Benzema នឹងលែង​ក្លាយ​ជាខ្សែប្រយុទ្ធ​ឯកោ​ទៀត​ហើយ ប្រសិន​បើតារាឆ្នើម​រួមសញ្ជាតិរូបនេះផ្លាស់មកទឹកដី​អេស្ប៉ាញ

អឺរ៉ុប៖ Karim Benzema បានធ្វើវាដោយខ្លួនគាត់ផ្ទាល់ក្នុងរយៈពេល ៣ រដូវកាលចុងក្រោយនៅឯ Real Madrid ដោយមានការគាំទ្រតិចតួចពីមិត្តរួមក្រុមរបស់គាត់។ កីឡាករសញ្ជាតិបារាំងវ័យ ៣៣ ឆ្នាំរូបនេះរកបាន ៨១ គ្រាប់ក្នុង​ការប្រកួតទាំងអស់ចាប់តាំងពីឆ្នាំ ២០១៨ និងបានឈរនៅជួរមុខបន្ទាប់ពីអវត្តមាន Cristiano Ronaldo ។

Benzema តែងតែមានកីឡាករកំពូលៗដើម្បីគាំទ្រគាត់ក្នុងកំឡុងពេលដែលគាត់កាន់តំណែងប្រយុទ្ធនៅឯក្លិប Real Madrid ដូចជា Angel Di Maria, Cristiano Ronaldo, Gareth Bale ។ ទោះយ៉ាងណាក៏ដោយ គាត់បានបាត់​បង់​ដៃគូឆ្នើមៗបែបនេះអស់រយៈពេល ៣ ឆ្នាំមកហើយ។ Karim Benzema ពិតជាត្រូវការការគាំទ្របន្ថែម​ទៀតនៅ​ក្នុងតំបន់ប្រយុទ្ធ ។ ការចុះកិច្ចសន្យាលើ Kylian Mbappe អាចជាចំណែកសំខាន់របស់ Real ដើម្បីយកឈ្នះលើ​បញ្ហា​ការ​ស៊ុតបាល់បញ្ចូលទី ។

កីឡាករវ័យ ២២ ឆ្នាំរូបនេះរកបាន ៤០+ គ្រាប់គ្រប់ការប្រកួតទាំងអស់នៅរដូវកាលនេះសម្រាប់ក្រុម Paris Saint-Germain ។ សក្តានុពលរបស់គាត់នៅចំពោះមុខគោលដៅនិងសមត្ថភាពបញ្ចប់ គឺជាគុណភាពដែលស្លាបនៅ Real Madrid កំពុងត្រូវការ ។ ប្រសិនបើ Mbappe ចុះហត្ថលេខានៅរដូវក្តៅនេះ បន្ទុកនៃការក្លាយជាអ្នករកគ្រាប់បាល់​តែ​ម្នាក់​ឯងនឹងត្រូវដកហូតពីស្មារបស់ Karim Benzema ៕