ឥណ្ឌា៖ ដោយសារការផ្ទុះឡើងនៃជំងឺកូវីដ-១៩រលកទីពីរដ៏សាហាវបំផុតនៅឥណ្ឌា បានបំបាក់ប្រព័ន្ធសុខាភិបាលដោយគ្រែមន្ទីរពេទ្យនិងអុកស៊ីសែនត្រូវបានប្រើអស់ ប្រជាជនក៏ងាកទៅប្រើប្រព័ន្ធផ្សព្វផ្សាយសង្គម ដើម្បីស្វែងរកជំនួយពីសាធារណជនវិញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប្រជាជនដែលត្រូវការជំនួយទាំងសម្រាប់ខ្លួនឯងផ្ទាល់ ឬសាច់ញាតិរបស់ពួកគេ បានបង្ហោះសុំជំនួយតាមបណ្ដាញសង្គម ដូចជា Twitter, Facebook, WhatsApp និង Instagram ជាដើម។ អ្នកខ្លះទៀតបានប្រមូលព័ត៌មានអំពីគ្រែដែលនៅទំនេរក្នុងមន្ទីរពេទ្យ ព័ត៌មានទាក់ទងនឹងអ្នកលក់អុកស៊ីសែន ព្រមទាំងធនធានផ្សេងទៀតដែលខ្វះខាត។
Hashtags នៅលើធ្វីតធឹដូចជា #CovidSOS និង #CovidEmergency បានលេចឡើងព្រោងព្រៀតក្នុងចំណោមអ្នកប្រើប្រាស់ដែលកំពុងស្វែងរកគ្រែពេទ្យ បំពង់ខ្យល់ដកដង្ហើម និងអុកស៊ីសែន។
មនុស្សមិនស្គាល់គ្នាជាច្រើន បានជួយគ្នាទៅវិញទៅមកក្នុងវិបត្តិដ៏អាក្រក់នេះ។
អ្នកស្ម័គ្រចិត្តជាច្រើនបានប្រមូលព័ត៌មានថ្មីៗដាក់លើ Google spreadsheets ហើយចែកចាយនៅលើបណ្តាញសង្គម។ អ្នកដែលមានឥទ្ធិពលលើបណ្តាញសង្គម តារាល្បីៗ និងអ្នកនយោបាយ ក៏បានចូលរួមក្នុងការផ្តល់ជំនួយនេះដែរ ដោយពួកគេមួយចំនួនបានជួយជាគ្រែនិងអុកស៊ីសែន។
ទោះបីជា Twitter គឺជាប្រព័ន្ធផ្សព្វផ្សាយសង្គមដែលគេប្រើច្រើនបំផុត នៅក្នុងការប្រកាសរកជំនួយដល់ប្រជាជនឥណ្ឌាក៏ដោយ ក៏ប្រព័ន្ធផ្សព្វផ្សាយសង្គមផ្សេងទៀតត្រូវបានប្រើក្នុងកម្រិតដ៏ច្រើនផងដែរ៕
ដើម្បីទទួលបានព័ត៌មានបន្ថែម និងថ្មីៗ ព្រមទាំងរហ័សពីគេហទំព័រខ្មែរឡូត សូមចូលទៅកាន់តេឡេក្រាម៖ https://t.me/khmerload