អេស្ប៉ាញ៖ ខ្សែការពារ Sergio Ramos គ្មានឈ្មោះទៅលេងនៅព្រឹត្តិការណ៍បាល់ទាត់ទ្វីបអឺរ៉ុបដែលហៅកាត់ថា Euro 2020 នោះឡើយ ក្រោយលោកគ្រូបង្វឹក Luis Enrique បានប្រកាសបញ្ជីឈ្មោះកីឡាករដែលមានសិទ្ធិចូលលេងនៅក្រុមជម្រើសជាតិអេស្ប៉ាញជាផ្លូវការ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនេះជាលើកដំបូងដែលកីឡាករនៅ Real Madrid មិនបានជាប់ឈ្មោះក្នុងក្រុមជម្រើសជាតិអេស្ប៉ាញសូម្បីតែម្នាក់ ស្របពេល ប្រធានក្រុម Sergio Ramos បានចូលលេងឲ្យជម្រើសជាតិច្រើនជាងគេគឺដល់ទៅ ១៨០ប្រកួតបើគិតចាប់តាំងពីឆ្នាំ២០០៥មក។
ខណៈនោះដែរ លោកគ្រូបង្វឹក Luis Enrique បានបញ្ជាក់ថា ខ្សែការពារ Pau Torres, Aymeric Laporte, Eric Garcia, Diego Llorente និង Cesar Azpilicueta បានជាប់ជម្រើសជំនួស Ramos ផងដែរ។
មូលហេតុនៃការអវត្តមានរបស់ Ramos គឺដោយសារគេមានបញ្ហារបួសរាងធ្ងន់ធ្ងរដែលធ្វើឲ្យគេមិនសូវបានបង្ហាញមុខលើទីលានឲ្យ Real Madrid ដោយបានចូលលេងតែ១៥ប្រកួតក្នុងពាន La Liga។
Sergio Ramos ក៏បានរងរបួសពេលលេងឲ្យក្រុមជម្រើសជាតិអេស្ប៉ាញនៅវគ្គជម្រុះព្រឹត្តិការណ៍បាល់ទាត់ពិភពលោកកាលពីចុងខែមីនាកន្លងទៅក្នុងការប្រកួតទល់នឹង Kosovo ផងដែរដែលធ្វើឲ្យគេអាក់ខានមិនបានចូលនៅ Champions League ទល់នឹង Liverpool ទាំងពីរជើង និង Chelsea នៅជើងទី១។
ក្នុងនោះដែរ កីឡាករ Barcelona ចំនួន៣នាក់ត្រូវបានបញ្ចូលឈ្មោះក្នុងក្រុមជម្រើសជាតិអេស្ប៉ាញសម្រាប់ព្រឹត្តិការណ៍ Euro នេះដែលមានដូចជា ខ្សែបម្រើ Sergio Busquets, Pedri Gonzalez និង Jordi Alba ៕
ប្រភព៖ espn
Join us📲 : https://t.me/keylatop ដើម្បីទស្សនាវីដេអូហាយឡាយ EPL កម្រិតច្បាស់ និងព័ត៌មានកីឡាសម្បូរបែប