អេស្ប៉ាញ៖ ខ្សែប្រយុទ្ធ Eden Hazard ត្រូវបានគេរាយការណ៍ថាចង់ចាកចេញពីក្លិបអធិរាជស Real Madrid នៅរដូវក្ដៅខាងមុខនេះដោយប៉ងចង់ត្រឡប់ទៅលេងនៅក្លិបតោខៀវ Chelsea វិញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកីឡាករសញ្ជាតិប៊ែលហ្ស៊ិករូបនេះបានផ្ទេរពី Chelsea មកកាន់ទឹកដី Santiago Bernabeu កាលពីឆ្នាំ២០១៩ ក្នុងតម្លៃខ្លួន ១៣០លានផោន (ស្មើនឹងប្រមាណ១៨៣.៦លានដុល្លារអាមេរិក) ប៉ុន្តែរូបគេហាក់មិនសូវកាប់កបនៅទីនេះប៉ុន្មានទេ ព្រោះរងរបួសញឹកញាប់ពេកដោយបានបង្ហាញខ្លួនតែ១០ប្រកួតប៉ុណ្ណោះនៅក្របខណ្ឌ La Liga និង៣ប្រកួតនៅ Champions League ផងដែរ។
ខ្សែប្រយុទ្ធ៣០ឆ្នាំរូបនេះក៏ទទួលរងការរិះគន់ពីសំណាក់អ្នកគាំទ្រយ៉ាងចាស់ដៃក្រោយគេសើចសប្បាយជាមួយអតីតមិត្តរួមក្រុម Chelsea ក្រោយក្លិបចាស់របស់គេបានទម្លាក់ Real Madrid ចេញពីពាន Champions League ត្រឹមវគ្គពាក់កណ្ដាលផ្ដាច់ព្រ័ត្រ ទើបគេត្រូវបង្ខំចិត្តធ្វើការសុំទោស។
សារព័ត៌មាន El Chairinguito បានបង្ហើបឲ្យដឹងថា Hazard លែងមានចិត្តចង់ស្នាក់នៅជាមួយ Real Madrid ហើយនិងចង់វិលទៅលេងនៅ Stamford Bridge វិញព្រោះគេបានកសាងកេរ្តិ៍ឈ្មោះក្លាយជាតារាឆ្នើមម្នាក់នៅទីនេះ ដោយចំណាយពេលជាមួយ Chelsea ដល់ទៅ៧រដូវកាលនិងបានចូលរួមជួយក្រុមលើកពាន Premier League ២ដង, FA Cup ១ដង និង Europa League ២ដង។
Real Madrid ក៏ត្រូវបានគេរាយការណ៍ថាចង់លក់ Eden Hazard ផងដែរ ព្រោះក្លិបមានអារម្មណ៍ថាកីឡាកររូបនេះលេងមិនបានល្អដូចកាលនៅ Chelsea នោះឡើយ និងគ្រោងលក់ Hazard ក្នុងតម្លៃធូរថ្លៃត្រឹមតែ ៥០លានអឺរ៉ូ (ស្មើនឹងប្រមាណ៦១លានដុល្លារអាមេរិក) ដើម្បីទិញយក Erling Haaland និង Kylian Mbappe ៕
ប្រភព៖ metro
Join us📲 : https://t.me/keylatop ដើម្បីទស្សនាវីដេអូហាយឡាយ EPL កម្រិតច្បាស់ និងព័ត៌មានកីឡាសម្បូរបែប