ភ្នំពេញ: យោងតាមសារជូនដំណឹងរបស់អនុគណកម្មាការស្រាវជ្រាវកូវីដ១៩នៅកម្ពុជា តាមរយ:គេហទំព័រហ្វេសប៊ុកផ្លូវនាពេលថ្មីៗកន្លងទៅនេះ សូមអំពាវនាវដល់ប្រជាពលរដ្ឋ ដែលបានទៅចាក់វ៉ាក់សាំង នៅសាលាបឋមសិក្សា សន្តិភាព (ក្នុងវត្តទឹកថ្លា) ដែលមានទីតាំងស្ថិតនៅ សង្កាត់ទឹកថ្លា ខណ្ឌសែនសុខ នៅថ្ងៃទី២០ ខែឧសភា ឆ្នាំ២០២១ ចន្លោះម៉ោង ១២៖០០ ថ្ងៃត្រង់ ដល់ម៉ោង ២៖៣០ រសៀល នៅទីតាំងខាងលើនេះ សូមដាក់ខ្លួន ដាច់ដោយឡែក និងយកចិត្តទុកដាក់ តាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬបានទៅទីកន្លែងមានហានិភ័យនេះ ឬបើសិនជាមានការលេចចេញជាអាការ:សង្ស័យ សូមមេត្តាទៅធ្វើតេស្តជាបន្ទាន់។ ដោយផ្អែកលើមូលហេតុ៖ អ្នកជំងឺកូវីដ១៩ បានទៅចាក់វ៉ាក់សាំងដូសទី១ (ប្រភេទ ស៊ីណូវ៉ាក់) នៅទីតាំងខាងលើនោះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអាស្រ័យដូចដែលបានជម្រាបជូនខាងលើនេះ សូមពុកម៉ែ បងប្អូន និងប្រិយមិត្ត មេត្តាជ្រាបជាព័ត៌មាន និងមេត្តាចូលរួមបន្តអនុវត្តវិធានការ៣ការពារ និង៣កុំ ដើម្បីចូលរួមកាត់បន្ថយជាអតិបរមានៃករណីឆ្លងថ្មីនៅកម្ពុជា៕
ដើម្បីទទួលបានព័ត៌មានបន្ថែម និងថ្មីៗ ព្រមទាំងរហ័សពីគេហទំព័រខ្មែរឡូតសូមចុច៖ https://t.me/khmerload