អង់គ្លេស៖ លោក Owen Hargreaves គិតថាបើសិន Manchester United ទិញយក ខ្សែការពារ និងខ្សែបម្រើមកបន្ថែម នោះក្រុមនឹងអាចមានសង្ឃឹមលើកពាន Premier League រដូវកាលក្រោយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ក្រៅពី Manchester United មកទល់ពេលនេះមានក្លិបធំៗជាច្រើននៅ Premier League ដែលចាប់អារម្មណ៍ចង់ទិញយក Kane ដូចជា Manchester City និង Chelsea ជាដើមស្របពេល Kane ខ្លួនឯងធ្លាប់បង្ហើបឲ្យដឹងថាគេចង់ផ្ទេរទៅលេង Man City ជាង ហើយលោក Hargreaves គិតថា Man UTD មិនចាំបាច់ចាយលុយដល់ទៅជាង២០០លានដុល្លារទិញយកកីឡាករវ័យ២៧ឆ្នាំនេះនោះឡើយតែអាចយកលុយនោះមកទិញយកកីឡាករផ្សេងៗច្រើននាក់ដើម្បីពង្រឹងក្រុម។
យោងតាមទស្សនៈរបស់លោក Hargreaves គឺលោកបាននិយាយថា៖
វាជារឿងមួយដែលត្រូវសម្រេចចិត្តតើ Man UTD ចង់ទិញយកខ្សែប្រយុទ្ធស្លាបស្តាំ ខ្សែការពារ ឬខ្សែបម្រើកណ្ដាលឬក៏ទៅទិញយក Harry Kane? ឥលូវនេះ Man United ត្រូវការខ្សែប្រយុទ្ធស្លាបស្តាំ ឬ ខ្សែបម្រើកណ្ដាលឬខ្សែការពារកណ្ដាល បើសិន Ole អាចទិញយកកីឡាករមកបំពេញតំណែងទាំងនេះគឺក្លិបពិតជាអាចមានសមត្ថភាពលើកពាន Premier League នៅរដូវកាលក្រោយ។ អ្នកត្រូវចេះសម្លឹងទៅលើឥទ្ធិពលរបស់ van Dijk នៅ Liverpool ឬ ឥទ្ធិពលរបស់ Ruben Dias នៅ Man City, ខ្ញុំគិតថាបើសិន Ole អាចយកបានមែន ពួកគេនឹងកាន់តែកៀកក្នុងការដណ្ដើមពាននេះ។
លោក Owen Havgreaves ក៏ជឿជាក់ដែរថា Manchester United គួរតែទិញយកខ្សែបម្រើ Jadon Sancho នៃក្លិប Borussia Dortmund, Rapinha ពីក្លិប Leeds United និង N'Golo Kante ពី Chelsea៕
ប្រភព៖ dailymail
Join us📲 : https://t.me/keylatop ដើម្បីទស្សនាវីដេអូហាយឡាយ EPL កម្រិតច្បាស់ និងព័ត៌មានកីឡាសម្បូរបែប
Bong I.T