អង់គ្លេស៖ ក្លិបតោខៀវ Chelsea ត្រូវបានគេរាយការណ៍ថានឹងយក ខ្សែប្រយុទ្ធ Tammy Abraham, Kepa Arriazabalaga និង Callum Hudson-Odoi ធ្វើជាផ្នែកមួយសម្រាប់ដាក់សំណើចរចាជាមួយ ក្លិបមាន់ខ្នាយមាស Tottenham Hotspur ក្នុងការទិញយក Harry Kane។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកីឡាករវ័យ២៧ឆ្នាំរូបនេះបានប្រកាសថាគេនឹងចាកចេញពីក្លិបនៅរដូវក្ដៅនេះ បន្ទាប់ពីគ្មានឱកាសបានលើកពានសូម្បីតែមួយទើប Chelsea ស្រេកឃ្លានចង់យកគេមករួមក្រុមនៅ Stamford Bridge ប៉ុន្តែដោយសារតម្លៃខ្លួន Kane ថ្លៃដល់ទៅ១៥០លានផោន(ស្មើនឹងប្រមាណ២១២លានដុល្លារ) ទើបក្លិបចង់ប្រើប្រាស់វិធីយក Tammy Abraham, Kepa Arrizabalaga និង Callum Hudson-Odoi ឲ្យទៅ Spurs និងបូកបន្ថែមជាមួយប្រាក់មួយចំនួនទៀតផងដែរ។
ដោយឡែក លោកប្រធានក្លិប Spurs គឺ Daniel Levy អាចនឹងមិនព្រមទទួលយកសំណើនោះ ស្របពេល Kane នៅសល់កុងត្រាដល់ទៅ៣ឆ្នាំទៀតឯណោះ។
Tammy Abraham មានតម្លៃខ្លួនប្រហែល ៤០លានផោន(ស្មើនឹងប្រមាណ៥៦.៩លាមដុល្លារ) ហើយគេក៏មិនសូវជាត្រូវលោកគ្រូ Thomas Tuchel ដាក់ឲ្យចូលលេងញឹកញាប់ដែរចំណែក អ្នកចាំទី Kepa Arrizabalaga ក៏ក្លាយជាអ្នកចាំទីដៃទី២ ដែលមិនសូវមានឱកាសបានបង្ហាញមុខលើទីលាន៕
ប្រភព៖ dailymail
Join us📲 : https://t.me/keylatop ដើម្បីទស្សនាវីដេអូហាយឡាយ EPL កម្រិតច្បាស់ និងព័ត៌មានកីឡាសម្បូរបែប