អេស្ប៉ាញ៖ក្លិបអធិរាជស Real Madrid នៅសល់តែមួយប្រកួតទៀតប៉ុណ្ណោះនៅរដូវកាល ២០២០-២០២១ នេះដោយវាជាការប្រកួតទល់នឹងក្លិប Villarreal ដែលជាក្លិបខ្លាំងមួយនៅ La Liga ដែរ ហើយ Real Madrid ត្រូវការឈ្នះចាំបាច់ និងសង្ឃឹមថា Atletico Madrid ចាញ់ការប្រកួតចុងក្រោយទើប Real Madrid មានសង្ឃឹមអាចលើកពាន។
ដោយឡែក ក្នុងសន្និសិទកាសែតមុនការប្រកួតទល់នឹង Villarreal ធ្វើឡើង លោកគ្រូបង្វឹក Zinedine Zidane បានថ្លែងថា៖
វាពិតជារឿងដ៏លំបាកមួយ ប៉ុន្តែពួកយើងបានមកដល់ការប្រកួតចុងក្រោយហើយពួកយើងទាំងអស់នឹងខិតខំប្រឹងប្រែងឲ្យអស់ពីសមត្ថភាព។ ពួកយើងដឹងថាពួកយើងត្រូវលេងទល់នឹង Villarreal ជាក្រុមមួយដែលលេងបានល្អណាស់។
អ្នកកាសែតក៏ឆ្លៀតឱកាសសួរលោកគ្រូទាក់ទងនឹងអនាគតជាមួយ Real Madrid ដែលលោកគ្រូបានឆ្លើយថា៖
ពួកយើងមានការប្រកួតនៅថ្ងៃស្អែក នោះជាអ្វីដែលសំខាន់បំផុត។បន្ទាប់មក ពួកយើងនឹងរង់ចាំមើលទាំងអស់គ្នា នេះមិនមែនជាពេលត្រូវនិយាយពីវាទេ បន្ទាប់ពីឆ្លងកាត់ដល់ទៅ៣៧ប្រកួត តើអ្នកគិតថាពួកយើងនឹងខ្វល់ខ្វាយពីរឿងដែលកើតឡើងនៅឆ្នាំក្រោយឬ?គ្មាននរណាម្នាក់សំខាន់ទេ គឺក្រុមទាំងមូលវាសំខាន់ជាង ការប្រកួតថ្ងៃស្អែកគឺជាអ្វីដែលយើងផ្ដោតសមាធិ។
យ៉ាងណាមិញ អ្នកកាសែតម្នាក់ទៀតបានសួរលោកគ្រូថាបើសិន គ្រូបង្វឹកផ្សេងមកដឹកនាំ Real Madrid តើក្រុមនេះអាចក្លាយជាក្រុមដែលល្អជាងពេលលោកគ្រូដឹកនាំឬទេ?លោកគ្រូបានឆ្លើយថា៖
ពិតណាស់។
ប្រភព៖ marca
Join us📲 : https://t.me/keylatop ដើម្បីទស្សនាវីដេអូហាយឡាយ EPL កម្រិតច្បាស់ និងព័ត៌មានកីឡាសម្បូរបែប
Bong I.T