អង់គ្លេស៖ ខ្សែប្រយុទ្ធ Harry Kane បានបង្ហើបឲ្យដឹងថាគេចង់ចាប់ដៃគូលេងជាមួយ ខ្សែបម្រើ Kevin De Bruyne នៃក្លិបមេឃខៀវ Manchester City ធ្វើឲ្យគេគិតថា Man City កាន់តែមានអាទិភាពក្នុងការទិញយកតារាឆ្នើមរូបនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ថ្មីៗនេះ ព័ត៌មាននៃការចាកចេញរបស់ប្រធានក្រុមជម្រើសជាតិអង់គ្លេសរូបនេះពី Spurs បានផ្ទុះឡើងយ៉ាងគគ្រឹកគគ្រេងដោយកីឡាករវ័យ២៧ឆ្នាំរូបនេះប្រាប់ថាគេចង់លេងនៅ Champions League ទៀតផង ស្របពេលក្លិបជាច្រើនដូចជា Manchester City, Manchester United, Chelsea ,Barcelona, Real Madrid និង PSG សុទ្ធតែកំពុងចង់ឆក់យករូបគេទៅរួមក្រុមជាមួយ។
ឥលូវនេះស្រាប់តែ Harry Kane ថា Kevin De Bruyne ជាកីឡាករឆ្នើមដែលគេចង់លេងជាមួយដោយបានសរសើរថា De Bruyne ជាកីឡាករដ៏ពិសេសម្នាក់ដោយគេបានផ្ដល់បទសម្ភាសន៍ប្រាប់លោក Gary Neville ថា៖
ច្បាស់ណាស់ថា ខ្ញុំចង់លេងជាមួយ De Bruyne...នៅពេលខ្ញុំមើល De Bruyne លេងគឺគេពិតជាកីឡាករដ៏ពិសេសម្នាក់ហើយវិធីនៃការបញ្ជូនបាល់របស់គេនៅ City គឺមើលទៅដូចជាខ្សែប្រយុទ្ធម្នាក់។គេពិតជាកីឡាករដ៏ឆ្នើមម្នាក់ ទាំងការសម្រុកនិងការបញ្ជូនបាល់គឺពិតជាល្អណាស់។
គួរបញ្ជាក់ផងដែរថា តម្លៃខ្លួនរបស់ Harry Kane គឺខ្ទង់ ១២០លានផោន(ស្មើនឹងប្រមាណ១៦៩.៨លានដុល្លារ) ដែល Man City អាចទិញយកគេបានដោយគ្មានបញ្ហា។ ម្យ៉ាងទៀត ខ្សែប្រយុទ្ធឆ្នើម Sergio Aguero នឹងចាកចេញពីក្លិបនៅដំណាច់រដូវកាលនេះដែលកាន់តែធ្វើឲ្យក្លិបត្រូវការរកមើលខ្សែប្រយុទ្ធណាដែលស័ក្តិសមមកជំនួស៕
ប្រភព៖ thesun
Join us📲 : https://t.me/keylatop ដើម្បីទស្សនាវីដេអូហាយឡាយ EPL កម្រិតច្បាស់ និងព័ត៌មានកីឡាសម្បូរបែប
Bong I.T