អបអរសាទរ! ទីបំផុតក្លិប Santos Laguna បានឈានដល់វគ្គពាក់កណ្ដាលផ្ដាច់ព្រ័ត្រនៃពានរង្វាន់ Liga MX ហើយ

ម៉ិចស៊ីកូ៖ កីឡាករបម្រុង Ronaldo Prieto រកបានគ្រាប់បាល់នៅនាទីទី ៩១ ដើម្បីជួយឲ្យក្លិប Santos Laguna ដណ្តើមបានកៅអីមួយឡើងទៅកាន់វគ្គពាក់កណ្តាលផ្តាច់ព្រ័ត្រនៃពានរង្វាន់ Liga MX កាលពីថ្ងៃអាទិត្យដោយលទ្ធផលស្មើ ១-១ នៅឯទឹកដីក្លិប Monterrey ។

កីឡាករ Prieto ដែលបានជំនួសកីឡាករ Ayrton Preciado នៅនាទីទី ៨៤ បានអូសបាល់ពីចម្ងាយដើម្បីស៊ុតបំប៉ោងសំណាញ់ទីបន្ទាប់ពីបាល់បានផ្លាតនៅជ្រុងម្ខាងនៃតារាង។

ក្លិប Santos Laguna បានឈ្នះ ៣-២ សរុបទាំង ២ ជើងក្រោយយកឈ្នះ ២-១ ក្នុងផ្ទះនៅជើងទី ១ កាលពីសប្ដាហ៍មុន។

នៅក្នុងការប្រកួតមួយផ្សេងទៀតកាលថ្ងៃអាទិត្យ ក្លិប America ត្រូវបានជម្រុះចោលបើទោះបីជាឈ្នះក្នុងផ្ទះក្លិប Pachuca ក្នុងលទ្ធផល ៤-២ ក៏ដោយ។ នេះក៏ដោយសារច្បាប់នៃការរកគ្រាប់បាល់ក្រៅដីចុងក្រោយនៃជើងទី ១ ដែលក្លិប Pachuca បានយកឈ្នះលើលើក្លិប America ក្នុងលទ្ធ ៣-១ ។

កាលពីថ្ងៃសៅរ៍ក្លិប Puebla និងក្លិប Cruz Azul ក៏បានឈានដល់វគ្គ ៤ ក្រុមចុងក្រោយផងដែរក្រោយពីទទួលបានជ័យជំនះនៅជើងទី ២ លើក្លិប Atlas និងក្លិប Toluca រៀងៗខ្លួន៕

ប្រភព៖ Xinhua News