សាយព្រើស៖ ទីភ្នាក់ងារសារព័ត៌មានសាយព្រើស (CNA) បានរាយការណ៍កាលពីថ្ងៃច័ន្ទថាអាជ្ញាធរសាយព្រើសបានបញ្ជូនទូកមួយដែលផ្ទុកដោយជនអន្តោប្រវេសន៍មិនទៀងទាត់ចំនួន ៥៦ នាក់ដែលមកពីប្រទេសលីបង់ត្រឡប់ទៅវិញ។

សារព័ត៌មាន CNA បាននិយាយថាទូកនេះត្រូវបានគេប្រទះឃើញដំបូងកាលពីថ្ងៃអាទិត្យដោយធ្វើដំណើរប្រហែល ១៦ ម៉ាយពីឆ្នេរសមុទ្រភាគអាគ្នេយ៍នៃកោះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
រូបតំណាង

ប៉ូលីសសាយព្រើសបាននិយាយថាពួកគេបានបញ្ជូនទូកល្បាតចំនួន ២ គ្រឿងដែលដឹកគិលានុបដ្ឋាយិកានិងអ្នកបកប្រែដើម្បីធ្វើការស៊ើបអង្កេតហើយក្រោយមកបានរាយការណ៍ថាមានបុរស ៣៩ នាក់ស្ត្រី ៧ នាក់និងកុមារ ១០ នាក់នៅលើទូក។ សារព័ត៌មាន CNA បានដកស្រង់សម្តីប៉ូលីសដែលនិយាយថាទូកនោះត្រូវបានបញ្ជូនត្រឡប់ទៅប្រទេសលីបង់វិញ។ វាមិនមានការផ្តល់ព័ត៌មានអំពីសញ្ជាតិអ្វីនោះទេសម្រាប់អ្នកដែលនៅលើទូកទាំងនោះ ប៉ុន្តែគ្រាន់តែដឹងថាពួកគេបានចេញដំណើរមកពីទីក្រុងទ្រីប៉ូលីភាគខាងជើងប្រទេសលីបង់។

រូបតំណាង

អាជ្ញាធរសាយព្រើសជាធម្មតាអ​នុញ្ញាតឱ្យប្រជាជនដែលមកពីតំបន់ដែលហែកហួរដោយសង្គ្រាមនៅស៊ីរីអាចចូលមករស់នៅក្នុងប្រទេសខ្លួន។

ក្រសួងមហាផ្ទៃបាននិយាយម្តងហើយម្តងទៀតថាប្រទេសសាយព្រើសបានលើសពីដែនកំណត់របស់ខ្លួនក្នុងការទទួលជនភៀសខ្លួនពីប្រទេសស៊ីរីនិងជនអន្តោប្រវេសន៍គ្មានឯកសារមកពីប្រទេសក្នុងតំបន់អាស៊ីនិងអាហ្វ្រិកមួយចំនួន៕

រូបតំណាង

ប្រភព៖ Xinhua News

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]