ថៃ៖ នៅខែក្រោយនេះ ប្រទេសថៃនឹងទទួលវ៉ាក់សាំងប្រឆាំងជំងឺកូវីដ១៩ ផលិតនៅប្រទេសចិន និងជាការផ្តើមមានវ៉ាក់សាំងដំបូង ស្របពេលដែលប្រទេសនេះមានហានិភ័យឆ្លងដ៏ខ្លាំង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សចាប់ពីខែកម្ភៈ វ៉ាក់សាំងរបស់ចិន Sinovac Biotech Ltd នឹងមកដល់ថៃជាបន្តបន្ទាប់ សរុប២លានដូស ខណៈដែលថៃក៏កំពុងចាប់ផ្តើមផលិតវ៉ាក់សាំងខ្លួនឯង ដោយទិញបច្ចេកវិទ្យាផលិតពីក្រុមហ៊ុន AstraZeneca Plc ហើយរំពឹងថា នឹងចែកចាយ នាខែឧសភា ២០២១។
នាយករដ្ឋមន្ត្រីថៃ ប្រាយុទ្ធ ចាន់អូចា ធ្លាប់បានអះអាងថា ត្រឹមចុងឆ្នាំ២០២១ នឹងចាក់វ៉ាក់សាំងកូវីដ១៩ សម្រាប់មនុស្សប្រមាណ៣៣លាននាក់ ឬ ៥០ភាគរយនៃចំនួនប្រជាជនសរុបនៃប្រទេសថៃ មកពីប្រភពចំនួន៤ផ្សេងៗគ្នា ក្នុងនោះ ក៏មានពីកម្មវិធី Covax របស់អង្គការសុខភាពពិភពលោកផងដែរ៕