Neymar ត្រូវសមាគមអ្នកស្រឡាញ់ភេទដូចគ្នាប្តឹងពីបទ​​ ប្រើ​ពាក្យ​ប្រមាថ ក្រោយហៅមិត្តប្រុសរបស់ម្តាយបែបនេះ

ព័រទុយហ្កាល់៖ Neymar ត្រូវបានគេដឹងថា បានហៅមិត្តប្រុសរបស់ម្តាយគាត់ដែលឈ្មោះ Tiago Ramos ថា "viadinho" ដែលជាភាសាបែបអសុរសរបស់ព័រទុយហ្កាល់ដែលត្រូវបានគេប្រើនៅក្នុងប្រទេសប្រេស៊ីលដើម្បីសំដៅទៅលើអ្នកស្រឡាញ់ភេទដូចគ្នា។

Ramos និងម្តាយរបស់ Neymar ត្រូវបានគេនិយាយថាបានបែកបាក់គ្នា ប៉ុន្តែវាហាក់ដូចជាពួកគេនៅតែមានទំនាក់ទំនងជាមួយគ្នានៅឡើយ។ គ្រានោះ Ramos បានជួបគ្រោះថ្នាក់ ដែលនាំឱ្យគាត់ មុតកញ្ចក់នៅក្នុងផ្ទះល្វែងរបស់គូស្នេហ៍នេះ ហើយបានបញ្ជូនដោយរថយន្តសង្គ្រោះបន្ទាន់ដឹកទៅមន្ទីរពេទ្យ។

ហើយអ្វីដែលសំខាន់នោះ សារជាសម្លេងត្រូវបានចែកចាយនៅលើបណ្តាញសង្គម Twitch ហើយត្រូវបានចែករំលែកបន្តបន្ទាប់ដោយ Leo Dias នៅលើ Metropoles ដែល Neymar ត្រូវបានគេដឹងថាបានប្រមាថមិត្តប្រុសរបស់ម្តាយដែលមានវ័យ ២៣ ឆ្នាំរូបនេះ ហើយបានសុំឱ្យមិត្តភក្តិរបស់គាត់ចងអំបោសដាក់ក្រោមប្រឡោះជើងរបស់គាត់ថែមទៀត។

បន្ទាប់ពីឧប្បត្តិហេតុនេះ សមាគមអ្នកស្រឡាញ់ភេទដូចគ្នាបានដាក់ពាក្យបណ្តឹងប្រឆាំងនឹង Neymar ពីបទប្រើពាក្យប្រមាថ "viadinho" (f * g) សំដៅលើ Ramos បែបនេះ៕

ប្រភព៖ Marca