អង់គ្លេស៖ ខ្សែបម្រើ Paul Pogba ត្រូវបានគេរាយការណ៍ថាកាន់តែកៀកក្នុងការព្រមព្រៀងជាមួយក្លិបសេដ្ឋីបារាំង Paris Saint-Germain ដើម្បីផ្ទេរទៅទឹកដី Parcs des Princes ។
កីឡាករសញ្ជាតិបារាំងរូបនេះទំនងជាចង់ចាកចេញពីទឹកដី Old Trafford ដោយសារតែមិនសូវសប្បាយចិត្តដោយកន្លងមកភ្នាក់ងាររបស់គេគឺលោក Mino Raiola បាននិយាយថា Pogba ចង់ផ្លាស់ទៅទ្រនំថ្មីផងដែរ តែឥលូវនេះគេអាចនឹងផ្ទេរទៅ PSG ដោយសារព័ត៌មាន Don Balon បង្ហើបថាគេកំពុងពិភាក្សាជាមួយក្លិប PSG ទាក់ទងនឹងដំណើរការផ្ទេរ។
PSG អាចនឹងគ្មានបញ្ហាក្នុងការផ្ដល់ប្រាក់ឈ្នួលមហាសាលដល់ Paul Pogba ប៉ុន្តែក្លិបអាចនឹងបាត់បង់តារាឆ្នើម Kylian Mbappe ដែលមកទល់ពេលនេះហើយ គេមិនទាន់បានបន្តកុងត្រាជាមួយក្លិបឡើយ។
គួរបញ្ជាក់ផងដែរថា ខ្សែបម្រើ Paul Pogba ធ្លាប់លេងឲ្យឈុតធំរបស់ Manchester United ពីរដងគឺ លើកទីមួយនៅឆ្នាំ២០១១ តែនៅឆ្នាំ២០១២ គេក៏ចាកចេញទៅលេងនៅ Juventus រហូតដល់ឆ្នាំ២០១៦ ទើបកីឡាករវ័យ២៨ឆ្នាំរូបនេះមកលេងឲ្យ Man UTD រហូតទល់បច្ចុប្បន្ន៕
ប្រភព៖ caughtoffside
Join us📲 : https://t.me/keylatop ដើម្បីទស្សនាវីដេអូហាយឡាយ EPL កម្រិតច្បាស់ និងព័ត៌មានកីឡាសម្បូរបែប