ភ្នំពេញ៖ ពុកម៉ែបងប្អូនប្រាកដជាបានជ្រាបយ៉ាងច្បាស់រួចមកហើយ រឿងរ៉ាវក្តីក្តាំងប្តឹងគ្នាទៅវិញទៅមករវាង ឧកញ៉ា ហេង សៀ និង កញ្ញា មាន ពេជ្ររីតា ដែលឧកញ៉ា បានចោទថា នាងបានលួចទូរស័ព្ទ និងប្រើអំពើហិង្សាលើរូបលោក រីឯ ពិធីការិនីទូរទស្សន៍ My TV មាន ពេជ្ររីតា ចោទបកទៅឧកញ៉ាវិញថា បានប៉ុនប៉ងរំលោភសេពសន្ធវៈលើរូបនាង ខណៈដែលរឿងនេះកំពុងតែស្ថិតនៅក្នុងកណ្តាប់ដៃតុលាការនៅឡើយ ដោយមានភាគីខាងឧកញ៉ា ហេង សៀ បានសុំតុលាការពន្យាពេលចូលឆ្លើយបំភ្លឺ ដោយអះអាងថារូបលោក មានជំងឺមិនទាន់ជាសះស្បើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយឡែក ក្នុងនោះដែរ ខណៈរឿងនេះបានក្លាយជាប្រធានបទដ៏ក្តៅគគុក នៅក្នុងចំណោមសាធារណជនខ្មែរ ដែលកំពុងទន្ទឹងរង់ចាំមើលការកាត់ក្តីរបស់តុលាការ ក៏ដូចជាការដង្ហោយរកយុត្តិធម៍ជូន កញ្ញា មាន ពេជ្ររីតា ស្រាប់តែមានបុគ្គលមួយរូបអះអាងថាខ្លួនជាអ្នកស្និទ្ធនឹងពិធីការិនីរូបនេះ ដោយមានគណនីហ្វេសប៊ុក ឈ្មោះ អ៊ុក ចន្ថា យុវជន សាន់ហ្វ្រាន់ស៊ីស្កូ ចេញមុខបញ្ជាក់ដូច្នេះថា៖
ខ្ញុំភ្ញាក់ព្រឺតមានគេផ្ញេីសារមកសួរពត៌មានទាក់ទងនិងក្មួយស្រីដែលមានរឿងជាមួយឧកញ៉ា និង ជាពិធីការីនី MYTV ខ្ញុំហៅគាត់ថាជាក្មួយស្រីព្រោះម្តាយគាត់និងក្រុមគ្រួសារគាត់រាប់អានជាមួយខ្ញុំ ថ្ងៃនាងធ្វេីពិធីចូលម្លប់ឆ្នាំ២០១៥ ខ្ញុំក៏បានចូលរួមពិធីដែរ។ ក្រុមគ្រួសារក្មួយស្រីជាមនុស្សមានកត្តិយស និងទ្រព្យយស ជីតានាងតាមដឹងក៏ជាមន្រ្តីនៅធនាគារផងដែរ គ្រួសារក្មួយស្រីក៏ជាក្រុមគ្រួសារអភិជន ផ្ទះក្រុមគ្រួសារនាងវីឡាដ៏ធំស្កឹមស្កៃនៅខាងក្រោយសណ្ឋាគារ ឡឺ ប្រេសុីដង់ ខ្ញុំជឿជាក់ថានាងមិនធ្វេីបែបនេះទេ ហេីយរឿងចោទថាលួចទូរសព្ទ័ រិតតែមិនអាចទៅរួច! ។
Bong I.T