ទីក្រុងម៉ាឌ្រីដ៖ អ្នកគាំទ្រអាចត្រូវបានអនុញ្ញាតិអោយចូលរួមទស្សនាក្នុងពហុកីឡដ្ឋាននៃព្រឹត្តិការណ៍ La Liga សម្រាប់ ២ ប្រកួតចុងក្រោយនៃរដូវកាលនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោក Jose Manuel Rodriguez Uribes រដ្ឋមន្រ្តីក្រសួងវប្បធម៌និងកីឡានៃប្រទេសអេស្ប៉ាញបានបញ្ជាក់កាលពីល្ងាចថ្ងៃពុធថាអ្នកគាំទ្រនឹងអាចចូលរួមទស្សនាការប្រកួតនៅក្នុងពហុកីឡាដ្ឋានជាលើកដំបូងចាប់តាំងពីមានការចាប់ផ្តើមបិទកាលពីខែមីនាឆ្នាំ ២០២០ បន្ទាប់ពីមានពិធីសារដ៏តឹងរឹងដែលរួមមានការពាក់រម៉ាស់និង ការហាមឃាត់ការជក់បារីនិងការបរិភោគចំណីអាហារនៅក្នុងពហុកីឡាដ្ឋាន។
ពហុកីឡាដ្ឋាននឹងអាចដំណើរការបាននៅសមត្ថភាពផ្ទុកអ្នកចូលរួមទស្សនាតែ ៣០% សម្រាប់តំបន់ដែលមានករណីឆ្លងជំងឺកូវីដ-១៩ ក្នុងរយៈពេល ១៤ ថ្ងៃនិងតិចជាង ៥០ ករណីនៃប្រជាជនចំនួន ១០០,០០០ នាក់។
តំបន់តែមួយគត់នៃប្រទេសអេស្បាញដែលបច្ចុប្បន្នសាកសមនឹងតម្រូវការនោះគឺ Comunidad Valencia ដែលមានន័យថាអ្នកគាំទ្រនឹងអាចចូលរួមការប្រកួតនៅថ្ងៃអាទិត្យក្នុងជំនួបរវាងក្លិប Valencia ជាមួយនឹងក្លិប Eibar និងក្លិប Villarreal ត្រូវប៉ះជាមួយក្លិប Sevilla ខណៈអ្នកគាំទ្រក៏អាចចូលរួមទស្សនាសម្រាប់ការប្រកួតក្នុងផ្ទះរបស់ក្លិប Elche ជាមួយនឹងក្លឹប Athletic Club Bilbao នៅថ្ងៃចុងក្រោយនៃរដូវកាលផងដែរ។
វាក៏ជាឱកាសល្អផងដែរដែលការធ្លាក់ចុះនៃអត្រាឆ្លងជំងឺកូវីដ-១៩ នៅ Balearic Islands អាចឲ្យអ្នកគាំទ្រលើកទឹកចិត្តដល់ក្លិបនៅលីគលំដាប់ទី ២ របស់អេស្ប៉ាញ Mallorca នៅពេលពួកគេបានត្រឡប់ទៅលេងនៅក្របខណ្ឌ La Liga សារជាថ្មី។
បើយោងតាមក្រសួងសុខាភិបាលអេស្ប៉ាញបានឱ្យដឹងថា អ្នកគាំទ្រនៅទីក្រុង Madrid និង Barcelona នឹងមិនអាចទស្សនាការប្រគួតរបស់ក្លិប Atletico Madrid ឬ FC Barcelona បានទេពីព្រោះថាតំបន់នៃទីក្រុង Madrid និង Catalonia មានករណីឆ្លងចំនួន ២៧៧ នាក់និង ២១២ នាក់ ខណៈដែលបច្ចុប្បន្នពហុកីឡាដ្ឋាន Santiago Bernabeu របស់ក្លិប Real Madrid កំពុងធ្វើការជួសជុលកែលម្អទីតាំងសំខាន់ៗ៕
ប្រភព៖ Xinhua News