បរទេស៖ សហពន្ធ័កីឡាករ UEFA បានបញ្ជាក់ពីការប្រកួតវគ្គផ្តាច់ព្រ័ត្រនៃក្របខ័ណ្ឌ Champions League រវាងក្រុមតោខៀវ Chelsea និងក្រុមមេឃខៀវ Manchester City ដែលនឹងត្រូវធ្វើឡើងនៅទីក្រុង Porto នាថ្ងៃទី ២៩ ខែឧសភាដោយមានអ្នកទស្សនាចំនួន ១២០០០ នាក់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាដំបូងការប្រកួតវគ្គផ្តាច់ព្រ័ត្រគ្រោងនឹងលេងនៅនៅទីក្រុង Istanbul ប៉ុន្ដែដោយសារតែក្តីកង្វល់ដ៏ធ្ងន់ធ្ងរស្តីពីការរាលដាលនៃជំងឺ Covid-19 នៅក្នុងប្រទេសទួរគីបានធ្វើឱ្យរដ្ឋាភិបាលអង់គ្លេសអំពាវនាវឱ្យមានការផ្លាស់ប្តូរទៅទីក្រុងឡុងទៅកាន់ Porto វិញ។ តាមរយះទូរទស្សន៍ Sky Sport Italia បានរាយការណ៍ថា UEFA បានសម្រេចចិត្តផ្លាស់ប្តូរទីតាំងប្រកួតវគ្គផ្តាច់ព្រ័ត្រទៅប្រទេសព័រទុយហ្កាល់ហើយពេលនេះ UEFA បានបញ្ជាក់ថាការប្រកួតនឹងត្រូវប្រកួតនៅ Estadio Do Dragao ជាកីឡាដ្ឋានរបស់ក្រុម FC Porto ។
គួរឱ្យដឹងដែរថា វានឹងក្លាយជាឆ្នាំទី ២ ជាប់ៗគ្នាហើយដែលការប្រកួតវគ្គផ្តាច់ព្រ័ត្រនៃក្របខ័ណ្ឌ Champions League ត្រូវបានគេលេងនៅក្នុងព័រទុយហ្កាល់ ។ អ្នកគាំទ្រនឹងត្រូវអនុញ្ជាតឧ្យចូលរួមទស្សនាការប្រកួតរវាង ក្រុមតោខៀវ Chelsea និង Manchester City នៅទីក្រុង Porto ខណៈដែល UEFA បានបញ្ជាក់ថាពហុកីឡាដ្ឋាននេះនឹងអនុញ្ញាតឱ្យមានអ្នកទស្សនាចំនួន ១២,០០០ នាក់សម្រាប់ព្រឹត្តិការណ៍ដ៏ធំនេះ៕