ប្រេស៊ីល៖ ក្លិបដែលមានមូលដ្ឋាននៅ Porto Alegre បាននិយាយកាលពីថ្ងៃពុធថា Gremio កំពុងពិភាក្សាជាមួយក្លិប Juventus ដើម្បីចុះហត្ថលេខាជាមួយខ្សែប្រយុទ្ធស្លាបកម្រិតអន្តរជាតិសញ្ជាតិប្រេស៊ីលកីឡាករ Douglas Costa ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកីឡាករ Costa ដែលនៅសល់មួយឆ្នាំទៀតលើកិច្ចសន្យាជាមួយក្លឹបអ៊ីតាលីមួយនេះត្រូវបានគេយល់ថាកំពុងស្វែងរកការវិលត្រឡប់ទៅស្រុកកំណើតវិញបន្ទាប់ពីខ្ចីជើងអស់មួយរដូវកាលនៅឯក្លិប Bayern Munich ។
អនុប្រធានក្លិប Gremio លោក Marcos Hermann បានប្រាប់សារព័ត៌មានប្រេស៊ីល Globo Esporte ថា “យើងត្រូវបានគេអញ្ជើញឱ្យទៅក្លិបរបស់កីឡាករ Douglas ដើម្បីនិយាយអំពីរឿងនេះ”។ លោកបានទទួលយកការកាត់ប្រាក់ឈ្នួលដ៏ច្រើនបើធៀបនឹងអ្វីដែលលោករកបាននៅអឺរ៉ុប។
“យើងបានបង្កើននូវការផ្តល់ជូនរបស់យើងបន្តិចហើយ ហើយយើងក៏បានខិតកាន់តែជិតផងដែរ។ ខ្ញុំអាចនិយាយបានថាឥឡូវនេះគាត់នឹងត្រូវបានព្យាយាមដោះលែងពីក្រុម Juventus ។”
កីឡាករ Costa ដែលធ្លាប់បានលេងឲ្យក្រុមជម្រើសជាតិប្រេស៊ីលចំនួន ៣១ លើកបានជួបបញ្ហារបួស និងទម្រង់លេងមិនទៀងទាត់ចាប់តាំងពីចូលរួមជាមួយក្រុមសេះបង្កង់ Juventus និងលេងខ្ចីជើងនៅក្លិប Bayern Munich ក្នុងកិច្ចព្រមព្រៀងអចិន្រ្តៃយ៍ក្នុងឆ្នាំ ២០១៨ ។
រដូវកាលនេះកីឡាករវ័យ ៣០ ឆ្នាំបង្ហាញខ្លួនបានតែ ១១ ដងប៉ុណ្ណោះនៅក្របខណ្ដ Bundesliga របស់អាឡឺម៉ង់ និងរកបានមួយគ្រាប់។
លោក Hermann បាននិយាយថា “ប្រសិនបើ Juventus ដោះលែងគាត់ខ្ញុំប្រាកដថាយើងនឹងឈានដល់កិច្ចព្រមព្រៀងមួយ”។ លោកបន្តថា “ខ្ញុំអាចធានាចំពោះអ្នកថាការផ្តល់ជូននេះស្ថិតក្នុងដែនកំណត់សេដ្ឋកិច្ចរបស់យើង”៕
ប្រភព៖ Xinhua News