អង់គ្លេស៖ អតីតកីឡាករជម្រើសជាតិអង់គ្លេស លោក Trevor Sinclair បានលើកឡើងថា Manchester United គួរតែត្រូវទទួលការពិន័យកាត់ចំនួនប្រាំមួយពិន្ទុដោយសារពួកគេបានប្រើប្រាស់ក្រុមឈុតទីពីរ ឬឈុត B ឲ្យលេងទល់នឹង Leicester City។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ ក្នុងការប្រកួតកាលពីរាត្រីថ្ងៃអង្គារកន្លងទៅទល់នឹង Leicester City គឺ Man Utd ភាគច្រើនប្រើប្រាស់កីឡាករយុវជន និង ពុំបានដាក់ឲ្យកីឡាករសំខាន់ៗចូលរួមឡើយ។ ជាលទ្ធផលពួកគេបានរង់បរាជ័យក្នុងលទ្ធផល ២ទល់នឹង១ ហើយ លទ្ធផលនេះទៀតសោតធ្វើឲ្យការដណ្តើមកៅអីចំណាត់ថ្នាក់កំពូលទាំងបួនកាន់តែតឹងតែង។
លោក Sinclair បាននិយាយថា៖
Man UTD ពុំមានការគោរពទៅកាន់កីឡាករកនៃក្រុមគូប្រកួតឡើយ គឺ ពួកគេបានផ្លាស់ប្តូរសមាសភាពកីឡាករដល់ទៅ១០រូប ពោល ពួកគេប្រើប្រាស់កីឡាករឈុតទីពីរ។ ខ្ញុំគិតថា វាពិតជាអសីលធម៌ណាស់។ ក្លិបដែលប៉ះពាល់ខ្លាំងនឹងលទ្ធផលនេះមានដូចជា Chelsea, Liverpool, West Ham និង Tottenham ជាដើម។ ខ្ញុំគិតថា Man Utd គួរតែទទួលរងនូវការពិន័យចំនួនប្រាំមួយពិន្ទុ៕
ប្រភព៖ metro
Join us📲 : https://t.me/keylatop ដើម្បីទស្សនាវីដេអូហាយឡាយ EPL កម្រិតច្បាស់ និងព័ត៌មានកីឡាសម្បូរបែប
Bong I.T