អង់គ្លេស៖ លោកគ្រូបង្វឹក Thomas Tuchel នៃក្លិបតោខៀវ Chelsea បាននិយាយថា Arsenal មិនសមនឹងឈ្នះក្នុងការប្រកួតកាលពីយប់ថ្ងៃទី១៣ខែឧសភាកន្លងទៅនេះឡើយ ហើយលទ្ធផលនៃការប្រកួតដែល Arsenal យកឈ្នះ Chelsea ១ ទល់នឹង ០ នេះគឺបានពីសំណាងនោះឯង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
Emile Smith Rowe ជាអ្នករកគ្រាប់បាល់ឲ្យ Arsenal នៅនាទីទី ១៦ ធ្វើឲ្យលោកគ្រូមិនសូវសប្បាយចិត្តនឹងខ្សែបម្រើ Jorginho ដែលមិនបិទ Rowe ឲ្យជាប់ និងបានបង្ហើបទៀតថាក្រុមរបស់លោកគ្រូហាក់ដូចជាលេងដោយគ្មានសមាធិសោះឡើយ។
ក្រោយចប់ការប្រកួត លោកគ្រូ Tuchel បានថ្លែងថា៖
វាពិតជាស្រួលណាស់ក្នុងការនិយាយថាពួកគេឈ្នះដោយសារបានសំណាងយោង និងគ្មានអ្នកណាអាចឈ្លោះជាមួយខ្ញុំនូវរឿងនេះបានទេ។ Arsenal មិនសមនឹងឈ្នះពួកយើងទាល់តែសោះ។ ប៉ុន្តែខ្ញុំមិនចង់និយាយអីច្រើនទេ ព្រោះកីឡាករពួកយើងមិនមានសមាធិ ដែលនេះជារឿងខុសធម្មតាខ្លាំងណាស់។ ប្រហែលខ្ញុំត្រូវព្រមានទៅកូនក្រុមឲ្យផ្លាស់ប្ដូរអាកប្បកិរិយាបែបនេះហើយ។ នេះមិនមែនជាអ្វីដែលអ្នកត្រូវលេងទេ ហើយពួកអ្នកនឹងត្រូវដាក់ទោស ឃើញទេ?ពេលនេះពួកយើងចាញ់មួយប្រកួតទៀតហើយ។ វាពិបាកនឹងទទួលយកណាស់ ពិបាកពិតមែន ប៉ុន្តែគ្មានជម្រើសផ្សេងទេ។
គួរបញ្ជាក់ផងដែរថា ពេលនេះ Chelsea ឈរនៅលេខរៀងទី៤ក្នុងតារាង Premier League ដោយមាន៦៤ពិន្ទុក្នុងដៃ៕
សូមទស្សនាវីដេអូនៃការប្រកួតខាងក្រោម៖
ប្រភព៖ metro
Join us📲 : https://t.me/keylatop ដើម្បីទស្សនាវីដេអូហាយឡាយ EPL កម្រិតច្បាស់ និងព័ត៌មានកីឡាសម្បូរបែប
Bong I.T